بانی پی ٹی آئی عمران خان اور ان کی اہلیہ بشریٰ بی بی کے درمیان جیل میں ملاقات کرا دی گئی۔
میڈیا رپورٹس کے مطابق دونوں کی ملاقات جیل کے کانفرنس روم میں ہوئی، جو قریباً 30 سے 35 منٹ تک جاری رہی۔ ملاقات کے دوران دونوں نے ایک دوسرے کی خیریت دریافت کی۔
ادھر اسلام آباد ہائیکورٹ نے بھی اہم حکم جاری کرتے ہوئے بانی پی ٹی آئی عمران خان سے ان کے وکیل سلمان صفدر کی ملاقات کل یقینی بنانے کی ہدایت کر دی ہے۔
دوسری جانب پی ٹی آئی نے 9 اپریل کو راولپنڈی کے لیاقت باغ میں جلسے کا اعلان کیا ہے، جس کے لیے انتظامیہ کو باضابطہ درخواست بھی دے دی گئی ہے۔
