آزادجموں و کشمیر کے وزیراعظم فیصل ممتاز راٹھور نے وزیراعلیٰ پنجاب مریم نواز شریف سے ملاقات کی ہے۔
اس موقع پر وزیراعظم آزاد کشمیر نے کہاکہ میرے والد سابق وزیراعظم آزادکشمیر ممتاز حسین راٹھور (مرحوم) اور نواز شریف کے درمیان خوشگوار تعلقات کی میراث آج بھی ہمارے لیے باعثِ تحریک ہے۔
انہوں نے مریم نواز کے اقدامات کو عوام دوست قرار دیا، خصوصاً پنجاب میں مقیم کشمیری مہاجرین کی بحالی اور آزاد جموں و کشمیر کو پنجاب سے ملانے والی سڑکوں کے بنیادی ڈھانچے کی بہتری کے حوالے سے وزیراعلیٰ پنجاب کے مثبت ردعمل پر ان کا شکریہ ادا کیا۔
انہوں نے کہاکہ ہم اپنے عوام کی فلاح و ترقی کے لیے پُرعزم ہیں۔
