وزیراعظم پاکستان شہباز شریف نے امریکا اور ایران کے درمیان جنگ بندی کا اعلان کرتے ہوئے دونوں ممالک کے وفود کو 10 اپریل کو اسلام آباد مدعو کر لیا، جہاں حتمی امن معاہدے کے لیے مذاکرات ہوں گے۔
یہ بھی پڑھیں:جنگ بندی کا فیصلہ وزیر اعظم پاکستان شہباز شریف اور فیلڈ مارشل عاصم منیر کی درخواست پر کیا گیا، صدر ٹرمپ
وزیراعظم شہباز شریف نے امریکا اور اسلامی جمہوریہ ایران کے درمیان فوری جنگ بندی کے اعلان کا خیرمقدم کرتے ہوئے اسے امن کی جانب ایک اہم پیش رفت قرار دیا ہے۔ اپنے بیان میں انہوں نے کہا کہ دونوں ممالک اور ان کے اتحادیوں نے لبنان سمیت ہر جگہ فوری جنگ بندی پر اتفاق کیا ہے، جو فوراً نافذ العمل ہو چکی ہے۔
With the greatest humility, I am pleased to announce that the Islamic Republic of Iran and the United States of America, along with their allies, have agreed to an immediate ceasefire everywhere including Lebanon and elsewhere, EFFECTIVE IMMEDIATELY.
I warmly welcome the…— Shehbaz Sharif (@CMShehbaz) April 7, 2026
وزیراعظم نے اس فیصلے کو دانشمندانہ اقدام قرار دیتے ہوئے امریکا اور ایران کی قیادت کا شکریہ ادا کیا اور کہا کہ دونوں فریقین نے امن اور استحکام کے لیے مثبت کردار ادا کیا ہے۔
اہم پیش رفت کے طور پر شہباز شریف نے اعلان کیا کہ امریکا اور ایران کے وفود کو جمعہ 10 اپریل 2026 کو اسلام آباد مدعو کیا گیا ہے، جہاں تمام تنازعات کے مستقل حل کے لیے باضابطہ مذاکرات کیے جائیں گے۔ انہوں نے کہا کہ ’اسلام آباد مذاکرات‘ خطے میں پائیدار امن کے قیام میں اہم کردار ادا کر سکتے ہیں۔
یہ بھی پڑھیں:امریکا اور ایران 2 ہفتے کی جنگ بندی رضامند، وزیراعظم شہباز شریف اور فیلڈ مارشل عاصم منیر کی کوششیں کامیاب
وزیراعظم کا مزید کہنا تھا کہ دونوں ممالک نے بردباری اور سمجھداری کا مظاہرہ کرتے ہوئے امن کے لیے سنجیدہ کوششیں کی ہیں، اور پاکستان کو امید ہے کہ یہ مذاکرات کامیاب ہوں گے اور آئندہ دنوں میں مزید مثبت پیش رفت سامنے آئے گی۔
