ایران اور امریکا کے درمیان مذاکرات کے سلسلے میں وفاقی دارالحکومت اسلام آباد میں جمعرات اور جمعہ (9 اور 10 اپریل) کو عام تعطیل کا اعلان کر دیا گیا۔
ضلعی انتظامیہ نے اس ضمن میں نوٹیفکیشن جاری کردیا ہے، جبکہ ڈپٹی کمشنر اسلام آباد نے بھی ٹوئٹ کے ذریعے اس کی تصدیق کی ہے۔
نوٹیفکیشن کے مطابق وفاقی دارالحکومت کی حدود میں 9 اور 10 اپریل یعنی جمعرات اور جمعہ کو سرکاری اور نجی ادارے بند رہیں گے، تاہم ضروری خدمات فراہم کرنے والے ادارے اس چھٹی سے مستثنیٰ ہوں گے۔
ایم سی آئی، سی ڈی اے اور آئی سی ٹی کی انتظامیہ معمول کے مطابق کام کریں گی۔ اس کے علاوہ اسلام آباد پولیس، آئیسکو، سوئی گیس اور اسپتال بھی کھلے رہیں گے۔
