وزیر دفاع خواجہ آصف نے کہا ہے کہ وزیراعظم شہباز شریف اور فیلڈ مارشل عاصم منیر نے وطن کو ایسی بلندیوں پر پہنچا دیا ہے جس کا تصور بھی ممکن نہیں تھا۔
سماجی رابطے کی سائٹ ایکس پر اپنے بیان میں خواجہ آصف نے کہاکہ آزادی کے بعد بہت کم ایسے مواقع آئے ہیں جنہیں تاریخ ساز اور عہد ساز قرار دیا جا سکتا ہے۔
آزادی کے بعد بہت کم ایسے مواقع آۓ جنہیں ھم تاریخ و عہد ساز کہہ سکتے ھیں ۔
پہلا موقع تب آیا جس دن نواز شریف نے سٹینڈ لیا اور ایٹمی دھماکے کئے اور 25 سال کی محنت رنگ لائ ھم ایک exclusive club کے ممبر بن گئے اور ھماری سیکورٹی کو الحمدو للہ ضمانت مل گئی۔
ربع صدی کے بعد ھمارے… pic.twitter.com/BEdZ2wkwOQ
— Khawaja M. Asif (@KhawajaMAsif) April 9, 2026
انہوں نے کہاکہ پہلا ایسا موقع اس وقت آیا جب نواز شریف نے جرات مندانہ فیصلہ کرتے ہوئے ایٹمی دھماکے کیے۔
انہوں نے کہاکہ نواز شریف کے اس فیصلے سے 25 سال کی محنت رنگ لائی، پاکستان ایک خصوصی کلب کا رکن بن گیا اور الحمدللہ، ہماری سلامتی کی ضمانت حاصل ہوئی۔
انہوں نے مزید کہاکہ ایک چوتھائی صدی بعد ہمارے ازلی اور روایتی دشمن بھارت نے چیلنج دیا، جس کا بھرپور جواب دیا گیا اور اسے شکست فاش ہوئی، پھر دنیا نے ہمارے محافظوں کی صلاحیتوں کا اعتراف کیا۔
خواجہ آصف نے کہاکہ ایک سال بعد پاکستان عالمی سفارتکاری کا مرکز بن چکا ہے اور امن کا داعی ہے۔ اپنے خطے اور برادر ممالک کے درمیان پاکستان مفاہمت کا سفیر بن کر ابھرا ہے، اس وقت دنیا بھر کی نظریں اسلام آباد پر مرکوز ہیں۔
انہوں نے کہاکہ وزیراعظم شہباز شریف اور فیلڈ مارشل عاصم منیر نے وطن کو ایسی بلندیوں پر پہنچایا ہے جن کا تصور بھی ممکن نہ تھا۔
انہوں نے دعا کی کہ اللہ ہماری امن کی کوششوں کو کامیاب کرے اور پاکستان کو مزید عزت و وقار عطا فرمائے۔
وزیر دفاع خواجہ آصف نے بیان کے آخر میں پاکستان ہمیشہ زندہ باد کا نعرہ بھی لگایا۔
