یورپی یونین کے رکن ممالک میں کام کرنے والے پاکستانیوں کی ترسیلات زر میں جاری مالی سال کے پہلے 9ماہ میں سالانہ بنیادوں پر 20 فیصد اضافہ ریکارڈ کیا گیا ہے۔
سٹیٹ بینک کی جانب سے جاری اعدادوشمارکے مطابق جولائی سے مارچ تک کی مدت میں جرمنی،فرانس،اٹلی، اسپین، ہالینڈ اور یورپی یونین کے دیگر رکن ممالک میں کام کرنے والے پاکستانیوں نے 3.917ارب ڈالر زرمبادلہ ملک ارسال کیا جو گزشتہ مالی سال کی اسی مدت کے مقابلہ میں 20فیصد زیادہ ہے۔
یہ بھی پڑھیں: مشرق وسطیٰ کشیدگی کے باوجود ترسیلات زر میں اضافہ، 3.8 ارب ڈالر کی ریکارڈ آمد
گزشتہ مالی سال کی اسی مدت میں یورپی یونین کے رکن ممالک سے ترسیلات زر کا حجم 3.267ارب ڈالرریکارڈ کیا گیا تھاْ
مارچ میں یورپی یونین کے رکن ممالک سے ترسیلات زرکاحجم 414ملین ڈالرریکارڈ کیا گیا جو فروری کے 395ملین ڈالرکے مقابلہ میں 5 فیصد زیادہ اور گزشتہ سال مارچ کے 433 ملین ڈالر کے مقابلے میں 4فیصد کم ہے۔
یہ بھی پڑھیں:سمندر پار پاکستانیوں نے پروپیگنڈے کو مسترد کرکے ریکارڈ ترسیلات زر بھیجیں، وزیراعظم کا اظہار تشکر
واضح رہے کہ مالی سال کے پہلے 9ماہ میں سمندرپارپاکستانیوں کی مجموعی ترسیلات زرکا حجم 30.321ارب ڈالر ریکارڈ کیا گیا ہے جوگزشتہ مالی سال کی اسی مدت کے28.030ارب ڈالرکے مقابلہ میں 8فیصد زیادہ ہے۔
