اسرائیلی وزیراعظم بنیامین نیتن یاہو نے لبنان سے فوری مذاکرات شروع کرنے کا اعلان کردیا ہے۔
اسرائیلی وزیراعظم نیتن یاہو نے سماجی رابطے کی ویب سائٹ ایکس پر اپنے پیغام میں کہا کہ لبنان کی جانب سے بار بار براہ راست مذاکرات کی درخواست کے بعد حکومت کے گزشتہ اجلاس میں انہوں نے ہدایت دی ہے کہ لبنان کے ساتھ جلد از جلد براہ راست مذاکرات شروع کیے جائیں۔
یہ بھی پڑھیں: اسلام آباد دنیا کی توجہ کا مرکز، ایران امریکا مذاکرات میں نواز شریف نے کیا کردار ادا کیا؟
انہوں نے کہا کہ یہ مذاکرات حزب اللہ کو غیر مسلح کرنے اور اسرائیل و لبنان کے درمیان پرامن تعلقات کے قیام پر مرکوز ہوں گے۔
ان کا کہنا ہے کہ اسرائیل لبنان کے وزیراعظم کی جانب سے بیروت کو غیر مسلح بنانے کی اپیل کو سراہتا ہے۔
The negotiations will focus on the disarmament of Hezbollah and the establishing of peaceful relations between Israel and Lebanon.
Israel appreciates the call made today by the Prime Minister of Lebanon to demilitarize Beirut.
2/2
— Prime Minister of Israel (@IsraeliPM) April 9, 2026
دوسری جانب ایران اور امریکا کے درمیان جنگ بندی کے لیے مذاکرات اسلام آباد میں ہوں گے، ایران کا مؤقف ہے کہ جنگ بندی میں لبنان بھی شامل ہے، تاہم امریکا اور اسرائیل کا کہنا ہے کہ لبنان جنگ بندی معاہدے میں شامل نہیں ہے۔
اس سے قبل وزیراعظم پاکستان شہباز شریف نے لبنان کے وزیراعظم نواف سلام سے ٹیلیفونک رابطہ کیا ہے، جس میں امریکا ایران جنگ بندی پر تبادلہ خیال کیا گیا۔
یہ بھی پڑھیں: بحرین کے بادشاہ کا امریکا ایران جنگ بندی پر وزیراعظم پاکستان کو خراج تحسین
وزیراعظم نے لبنان کے خلاف اسرائیل کی جاری جارحیت کی شدید مذمت کی اور ہزاروں قیمتی جانوں کے ضیاع پر دکھ کا اظہار کیا۔
وزیراعظم نے کہاکہ پاکستان علاقائی امن کے لیے مخلصانہ کوششوں میں مصروف ہے اور اسی جذبے کے تحت ایران اور امریکا کے درمیان امن مذاکرات کا انعقاد کیا جا رہا ہے۔
وزیراعظم شہباز شریف کی امن کی کوششوں پر شکریہ ادا کرتے ہوئے لبنان کے وزیراعظم نے لبنان اور اس کے عوام کو نشانہ بنانے والے حملوں کو فوری طور پر ختم کرنے کے لیے پاکستان سے تعاون طلب کیا۔ دونوں رہنماؤں نے رابطے میں رہنے پر اتفاق کیا۔
