پاکستان مسلم لیگ (ن) کے صدر میاں محمد نواز شریف اور وزیراعلیٰ پنجاب مریم نواز شریف سے گورنر سندھ نہال ہاشمی نے ملاقات کی، جس میں باہمی دلچسپی کے امور اور مجموعی ملکی صورتحال پر تفصیلی گفتگو کی گئی۔
یہ بھی پڑھیں:نہال ہاشمی اور بشیر میمن میں مبینہ کشیدگی، ن لیگ کی قیادت نے وضاحت طلب کرلی
ملاقات کے دوران گورنر سندھ نہال ہاشمی نے ایران اور امریکا کے درمیان جنگ بندی میں پاکستان کے کردار کو سراہتے ہوئے اسے ایک بڑی سفارتی کامیابی قرار دیا اور اس پر قیادت کو مبارکباد پیش کی۔ اس موقع پر ملک کی موجودہ سیاسی و معاشی صورتحال سمیت دیگر اہم امور پر بھی تبادلہ خیال کیا گیا۔
نہال ہاشمی نے اعتماد کے اظہار پر نواز شریف کا شکریہ ادا کرتے ہوئے کہا کہ وہ اپنی ذمہ داریاں بھرپور انداز میں نبھانے کے لیے پرعزم ہیں۔
دریں اثنا سابق وزیراعلیٰ پنجاب حمزہ شہباز سے گورنر سندھ نہال ہاشمی نے ملاقات کی۔
مزید پڑھیں: نہال ہاشمی اور بشیر میمن میں مبینہ کشیدگی، ن لیگ کی قیادت نے وضاحت طلب کرلی
گورنر سندھ اور سابق وزیراعلیٰ کے درمیان باہمی دلچسپی کے امور پر تبادلہ خیال کیا گیا، اس موقع پر نہال ہاشمی کی جانب سے قیام امن کے لیے وزیراعظم شہباز شریف اور فیلڈ مارشل کے کردار کی تعریف کی گئی۔
