ممتاز عالمِ دین مفتی تقی عثمانی نے کہا ہے کہ ایران اور امریکا کے درمیان جنگ رکوانے میں پاکستانی قیادت کو اللہ تعالیٰ نے نہایت حساس اور متوازن کردار ادا کرنے کی توفیق عطا فرمائی، جس کے باعث عالمی سطح پر پاکستان کا وقار نمایاں طور پر بلند ہوا۔
مزید پڑھیں:ایران امریکا جنگ بندی کے بعد پاکستان کا عالمی امیج بہتر، رائے عامہ میں نمایاں مثبت تبدیلی، رپورٹ
سماجی رابطے کی ویب سائٹ ایکس پر جاری اپنے بیان میں مفتی تقی عثمانی کا کہنا تھا کہ اس نازک موقع پر پاکستان نے ذمہ دارانہ کردار ادا کیا، جسے دنیا بھر میں سراہا جا رہا ہے۔
الحمدللہ ایران امریکا جنگ رکوانے میں پاکستانی قیادت کواللہ تعالی نے انتہائی نازک اور متوازن کردار ادا کرنے کی توفیق عطا فرمائی اسکی وجہ سے دنیا بھر میں ملک کا وقار غیر معمولی طورپر بلند ھوا اور کل جو مذاکرات ھونے والے ھیں انکی کامیابی پر عالم اسلام بلکہ پوری دنیا کا مفاد وابستہ…
— Muhammad Taqi Usmani (Official) (@muftitaqiusmani) April 10, 2026
انہوں نے مزید کہا کہ آج ہونے والے مذاکرات کی کامیابی سے نہ صرف عالمِ اسلام بلکہ پوری دنیا کا مفاد وابستہ ہے۔ ان کے مطابق وزیرِ اعظم نے قوم سے خصوصی دعا کی اپیل کی ہے، لہٰذا اس اہم موقع پر سب کو دعا میں مشغول رہنا چاہیے۔
