لائیو ٹی وی پروگرام کے دوران سابق امریکی سفارتکار جیفری گنٹر (Jeffrey Gunther) نے پاکستانی کردار سے متعلق سوالات پر بھارتی اینکر کو سخت جواب دیتے ہوئے کہا کہ خطے میں حالیہ ایران امریکا جنگ بندی کے دوران پاکستان کے کردار کو غلط انداز میں پیش کیا جا رہا ہے۔
مزید پڑھیں:ایران امریکا جنگ بندی کے بعد پاکستان کا عالمی امیج بہتر، رائے عامہ میں نمایاں مثبت تبدیلی، رپورٹ
پروگرام میں پاکستان میں امریکی نائب صدر کی سیکیورٹی سے متعلق سوال پر سابق امریکی سفارت کار نے واضح کیا کہ امریکی نائب صدر پاکستان میں مکمل طور پر محفوظ ہیں، اور اس معاملے کو غیر ضروری طور پر متنازع بنایا جا رہا ہے۔
سابق امریکی سفارتکار نے بھارتی اینکر کولائیو شو میں کھری کھری سُنادی۔ پاکستان کے فیصلہ کن کردار سے بھارت اور گودی میڈیا میں صف ماتم بچھ گیا۔ جیفری گنٹر نے بھارتی اینکر کو آڑے ہاتھوں لیتے ہوئے کہا کہ بھارتی میڈیا سکول کے بچوں والا طرز عمل دکھا رہا ہے۔@KulAalam #india pic.twitter.com/cC7lsZxslC
— Media Talk (@mediatalk922) April 11, 2026
انہوں نے کہا کہ اس وقت اصل مسئلہ سیاست یا پروپیگنڈا نہیں بلکہ انسانی زندگیوں، روزگار اور عالمی معیشت سے جڑا ہوا ہے، خاص طور پر تیل کی قیمتوں اور توانائی کی سپلائی کے اثرات سے متعلق معاملات اہم ہیں۔
سابق امریکی سفارت کار کے مطابق میڈیا کو چاہیے کہ حساس سفارتی پیشرفت کو بھارت اور پاکستان کے بیانیے کی جنگ میں تبدیل کرنے کے بجائے جنگ بندی اور امن کوششوں کو سراہا جائے۔
مزید پڑھیں: جنگ بندی کے باوجود تیل و گیس کی قیمتیں معمول پر آنے میں کتنا وقت لگے گا؟
انہوں نے مزید کہا کہ اس طرح کے طرزِ عمل سے خطے میں کشیدگی کم ہونے کے بجائے بڑھنے کا خدشہ پیدا ہوتا ہے۔
