پاکستان تحریک انصاف ( پی ٹی آئی) کے چیئرمین عمران خان نے کہا ہے کہ ’آج میں نے کرکٹ میں نہیں بلکہ 20 مقدمات میں پیش ہو کر عالمی ریکارڈ توڑا ہے، یہ ایک نیا ریکارڈ ہے۔ میں نے قتل سے لے کر دہشت گردی اور بغاوت تک کے مقدمات کا سامنا کیا ہے۔‘
سماجی رابطے کی ویب سائٹ ٹوئٹر پراپنے ایک ٹویٹ میں چیئرمین پی ٹی آئی عمران خان نے مزید کہا کہ’حیرت کی بات ہے کہ جب میں قومی احتساب بیورو(نیب) کی جیل میں قید تھا تو مجھے مزید 9 فوجداری مقدمات کی بھینٹ چڑھا دیا گیا۔
Today I have broken the world record, not in cricket, but by having to appear in 20 cases, which is a new record. Cases ranging from murder to terrorism to sedition.
Amazingly when I was confined in NAB jail, 9 more criminal cases were slapped on me.
Having always respect the…
— Imran Khan (@ImranKhanPTI) June 8, 2023
انہوں نے لکھا کہ ہمیشہ قانون کی حکمرانی کا احترام کرتے ہوئے محض اس بات کو یقینی بنانے کے لیے ایک جگہ سے دوسری جگہ دوڑتا رہا ہوں کہ میں تمام 150 مقدمات کی ایک بھی عدالتی سماعت سے غیر حاضر نہ رہوں۔
انہوں نے یہ بھی لکھا ہے کہ ’ظلم کی اس انتہا نے نہ صرف ’امپورٹڈ‘ حکومت کو مکمل طور پر بے نقاب کیا ہے بلکہ اب یہ ظاہر ہو گیا ہے یہ ظلم محض ہمارے خلاف ہی کیا جا رہا ہے کیوں کہ یہ لوگ پاکستان تحریک انصاف (پی ٹی آئی) سے الیکشن ہارنے کے خوف میں مبتلا ہیں۔
انہوں نے لکھا ہے کہ بدقسمتی سے یہ ہمارے قانونی نظام کا ایک بھیانک پہلو ہے کہ مخالفین کو نشانہ بنانے کے لیے قوانین کا بے دریغ استعمال کیا جا تا ہے۔
ان کا کہنا ہے کہ آزاد جمہوری معاشروں میں شہریوں کے بنیادی حقوق کی اس طرح خلاف ورزی ناقابل فہم ہے۔
