بہت سے لوگوں کو ’سانولی سلونی سی محبوبہ‘ جیسی دکھنے والے بالی وڈ اداکارہ کاجول نے ایک سوشل میڈیا پوسٹ میں سماجی رابطوں کے پلیٹ فارمز سے ’بریک‘ لینے کا اعلان کیا تو ان کے فینز تشویش کا شکار دکھائی دیے۔
جمعہ کو کاجول کی جانب سے بریک لینے کی اطلاع کے ساتھ یہ بھی لکھا گیا کہ وہ اپنی زندگی کے مشکل ترین امتحان سے گزر رہی ہیں۔
Taking a break from social media. pic.twitter.com/9utipkryy3
— Kajol (@itsKajolD) June 9, 2023
کاجل کی پوسٹ پر تبصرہ کرنے والے صارفین کی بڑی تعداد جہاں معاملے کی تفصیل جاننے میں دلچسپی لیتی دکھائی دی وہیں کئی ایسے بھی تھے جو ان کی ہمت بندھاتے رہے۔
اجے دیوگن سے شادی کے بعد فلمی کیریئر کو نسبتا محدود کر دینے والی بالی وڈ اداکارہ کے پاکستانی فین نے ان کی خیریت کی امید کی تو بریک کے دورانیہ سے متعلق بھی پوچھا۔
48 سالہ کاجل دیوگن کو انڈین سینما کی کامیاب ترین اداکاراؤں میں شمار کیا جاتا ہے۔
