بالی وڈ کے سپر اسٹار شاہ رح خان نے ٹویٹر پر سوال جواب کے سیشن کے دوران اپنے مداح کو کہا ہے کہ تم باپ بنو میں ہیرو ہی ٹھیک ہوں۔
بھارتی میڈیا کے مطابق شاہ رخ خان نے ٹویٹر پر شاہ رخ خان نے سوال جواب کا سیشن کیا ، اس دوران شاہ رخ خان نے درجنوں سوالات کے جوابات دیے۔
ایک صارف نے شاہ رخ خان سے سوال کیا کہ آپ اس طرح ہیرو کا کردار ہی ادا کرو گے یا کبھی فلم میں ہیرو یا ہیروئین کا باپ بننے کا ارادہ ہے،شاہ رخ خان نے جواب میں کہا کہ تم باپ بنو میں ہیرو ہی ٹھیک ہوں۔
ایک اور صارف نے شاہ رخ خان سے سوال کیا کہ پٹھان کا پہلا ہاف اچھا ہے لیکن دوسرے ہاف نے مایوس کیا، آپ کی کیا رائے ہے، تو شاہ رخ خان نے جواب میں کہا کہ کوئی بات نہیں اپنی اپنی پسند ہوتی ہے۔
ایک صارف نے شاہ رخ خان کی تصویر ایڈٹ کر کے شاہ رخ خان کو لمبے بالوں اور مضبوط مسل والا دیکھایا تو شاہ رخ خان نے جواب میں لکھا کہ ناں میرے بال اور میرے اپنے مسلز زیادہ سوٹ کرتے ہیں۔
ایک صارف نے شاہ رخ خان کی فلم پٹھان سے پیزے کی تصویر شیئر کی، اس تصویر میں ایسا لگ رہا ہے کہ شاہ رخ خان پیزے پر دیکھ رہے ہیں،
سچ کہتا ہوں کہ میرا بنایا ہوا پیزا زیادہ بہتر لگ رہا ہے،البتہ ذائقہ کے بارے میں نہیں جانتا۔
انہوں نے پٹھان شوٹ کا سب سے دلچسپ لمحہ بھی شیئر کیا۔ انہوں نے فلم پٹھان کی شوٹنگ کے دوران دلچسپ سین کے بارے میں لکھتے ہوئے کہا کہ “دیپیکا اور میں پیشہ ورانہ طور پر لاکر کھولنے کی کوشش کر رہے ہیں۔ ہم نے سب کچھ چھوڑ دیا اور ہر حرکت کو دھوکہ دیا، جس میں چھلانگ کے دوران تالا اور چابی کا کھو جانا بھی شامل ہے۔
ویڈیو پر اہلیہ گوری خان کے ردعمل کے بارے میں شاہ رخ خان نے کہا کہ وہ بہت خوش تھیں، پورا خاندان میرے لیے بہت خوش ہے۔ پٹھان کے ‘اصل مجموعہ’ کے بارے میں، انہوں نے کہا، 5000 کروڑ پیار۔ 3000 کروڑ کی تعریف۔ 3250 کروڑ گلے ملتے ہیں،2 ارب مسکراتے ہیں اور اب بھی گن رہے ہیں۔ تیرا اکاؤنٹنٹ کیا بتا رہا ہے۔
واضح رہے کہ شاہ رخ خان کی فلم ریلیز کے بعد اب تک صرف دس دنوں میں 700کروڑ سے زائد کما چکی ہے اور شاہ خان کے کیریئر کی بہترین فلم بن گئی بلکہ بھارتی تاریخ کی سب سے زیادہ بزنس کرنے والی فلم بن گئی ہے۔
