سابق لیجنڈری ٹیسٹ کرکٹر مشتاق احمد کے بیٹے بزل مشتاق نے بھارتی گلوکارہ نندنی شرما کے ساتھ نیا گانا ’سانسیں‘ ریلیز کرد یا، جسے سوشل میڈیا پر بے حد پذیرائی مل رہی ہے۔
بزل مشتاق کرکٹ کے بجائے گلوکاری کا شوق رکھتے ہیں، وہ اس سے قبل بھی مختلف گانوں میں اپنی آواز کا جادو جگا چکے ہیں، گزشتہ برس انہوں نے ایک صوفیانہ کلام ’ٹریا جا‘ ریلیز کیا تھا جس کی ویڈیو شمالی علاقہ جات میں بنائی گئی تھی۔
بزل مشتاق کے نئے گانے ’سانسیں‘ کو یوٹیوب پر ریلیز کیا گیا جسے مداحوں نے خوب سراہا۔
https://youtu.be/dINPIbcSc3Q
بزل مشتاق کے اس رومانوی گانے کے بول مہران شاہ نے لکھے جبکہ میوزک عاطف علی نے تشکیل دیا، گانے کی تیاری اور ریلیز مشہور گلوکار مصطفیٰ زاہد کے میوزک پلیٹ فارم کے ذریعے کی گئی ہے۔
دوسری جانب انڈین سنگر نندنی شرما کوک اسٹوڈیو بھارت کے علاوہ مختلف فلموں میں گانا گا چکی ہیں۔
بزل مشتاق اس سے قبل 2020 میں بھی اپنا ایک گانا ’خطا‘ ریلیز کر چکے ہیں، اسے نہ صرف سوشل میڈیا پر کافی پذیرائی ملی تھی بلکہ قومی کرکٹرز نے بھی خوب سراہا تھا۔
27 سالہ بزل مشتاق کھیل نے کرکٹر بننے کے بجائے گلوکار بننے کو ترجیح دی۔ بزل نے اعلیٰ تعلیم برطانیہ سے حاصل کی جہاں انہوں نے موسیقی کی کلاسز بھی لیں۔
لیجنڈری کرکٹر مشتاق احمد کے فرزند بزل نے برطانیہ سے آرکیٹیک کی ڈگری بھی حاصل کر رکھی ہے۔
