لاہور ہائیکورٹ نے چیئرمین پاکستان تحریک انصاف (پی ٹی آئی) عمران خان کی اہلیہ بشرٰی بی بی کی اسلام آباد میں درج مقدمات میں 21 جون تک حفاظتی ضمانت منظورکر لی۔
چیرمین پی ٹی آئی عمران خان کی اہلیہ بشرٰی بی بی نے ایڈووکیٹ انتظار پنجوتہ کی وساطت سے اسلام آباد میں درج مقدمے میں حفاظتی ضمانت دائر کی تھی، بشرٰی بی بی کے خلاف تھانہ کوہسار اسلام آباد میں فراڈ سمیت دیگر دفعات کے تحت مقدمہ درج ہے۔
لاہور ہائیکورٹ کے جسٹس امجد رفیق نے بشرٰی بی بی کی حفاظتی ضمانت درخواست سماعت کے لیے مقرر کرتے ہوئے سماعت کا آغاز کیا۔
مزید پڑھیں
وکیل انتظار پنجوتہ نے عدالت میں موقف اختیار کیا کہ درخواست گزار متعلقہ عدالت میں پیش ہوکر عبوری ضمانت لینا چاہتی ہیں، خدشہ ہے کہ پولیس گرفتار کرلے گی لہاظہ عدالت سے استدعا کی جاتی ہے کہ حفاظتی ضمانت منظور کی جائے۔
جس پر عدالت نے اسلام آباد میں دائر مقدمے میں بشرٰی بی بی کی حفاظتی ضمانت منظور کرلی۔
