آج ملک کے بیشتر علاقوں میں موسم گرم اور خشک رہے گا تاہم چند مقامات پر تیز ہواؤں، آندھی اور گرج چمک کے ساتھ بارش کا امکان ہے۔
محمکہ موسمیات کے مطابق ملک کے جنوبی علاقوں میں موسم شدید گرم رہے گا۔ اسلام آباد میں دن کے اوقات میں موسم خشک اور گرم رہے گا تاہم شام یا رات گئے آندھی کے علاوہ چند مقامات پر گرج چمک کے ساتھ بارش کی توقع ہے۔
پنجاب کے بیشتر اضلاع میں موسم خشک اور گرم جبکہ جنوبی علاقوں میں شدید گرم رہے گا۔ مری، گلیات، راولپنڈی، چکوال، جہلم، لاہور، اور میانوالی میں آندھی اور گرج چمک کے ساتھ بارش کا امکان ہے۔ بلوچستان کے بیشتر اضلاع میں موسم گرم اور خشک رہے گا۔
سندھ کے بیشتر اضلاع میں موسم خشک اور شدید گرم رہے گا، خیبر پخونخوا کے بیشتر اضلاع میں موسم خشک اور گرم رہے گا تاہم کوہستان، کرم، مانسہرہ، بالاکوٹ، پشاور اور وزیرستان میں آندھی اور گرج چمک کے ساتھ بارش کا امکان ہے۔
کشمیر اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔
