پاکستان بنگلہ دیش کو ہرا کر مالدیپ میں ہونے والے 5 ملکی باسکٹ بال ٹورنامنٹ کے سیمی فائنل میں پہنچ گیا ہے۔
مالدیپ میں جاری باسکٹ بال ٹورنامنٹ میں پاکستان نے بنگلا دیش کو 66 کے مقابلے میں 84 پوائنٹس سے ہراکر مسلسل تیسری کامیابی حاصل کی اور سیمی فائنل میں اپنی جگہ پکی کرلی۔
پاکستان نے پہلے راؤنڈ میں 15 کے مقابلے میں 20 پوائنٹس حاصل کیے، دوسرے راؤنڈ میں بنگلا دیش تھوڑا بہتر کھیل پیش کیا اور اختتام پر اسکور اپنے حق میں 34-37 کرلیا تاہم تیسرے راؤنڈ میں پاکستان نے پھر کم بیک کیا۔
بنگلادیش تیسرے راؤنڈ میں صرف 7 پوائنٹس حاصل کر سکا جب کہ پاکستان نے مزید 22 پوائنٹس حاصل کر کے برتری کو 44-56 کردیا۔
آخری راؤنڈ میں دونوں ٹیموں میں زبردست مقابلہ ہوا لیکن بنگلا دیش اپنے پوائنٹس آگے بڑھا نہ سکا، یوں پاکستان نے یہ میچ جیت کر سیمی فائنل میں جگہ پکی کرلی۔
پاکستان کے زین الحسن خان اور محمد عمیر جان نے 19، 19جبکہ عبدالوہاب نے 16 اور ضیاء الرحمٰن نے 11، شہباز علی، عمیر اور ضیا نے تین تین 3 پوائنٹس سکورکیے
