گزشتہ دنوں سماجی رابطے کی ویب سائٹ ٹوئٹر پر فیصل آباد کے ایک رہائشی نے معروف بیکری، لیئرز ، کے چاکلیٹ کیک میں سے مبینہ طور پر مردہ چھپکلی برآمد کرنے کی ویڈیو کیا شیئر کی، صارفین نے سوشل میڈیا پر میمز کے ڈھیر لگادیے۔
معروف بیکری کے چاکلیٹ کیک میں مردہ چھپکلی کی موجودگی کی ویڈیو اور تصویر دیکھتے ہی دیکھتے سوشل میڈیا پر وائرل ہو گئی۔
موقع کا فائدہ اٹھاتے ہوئے پاکستانی میمرز بھی میدان میں آگئے اور سوشل میڈیا پر میمز کا ایک دلچسپ مقابلہ شروع ہو گیا۔
سماجی رابطے کی ویب سائٹ پر ایک ٹوئٹر صارف نے معروف بیکری کے کیک کے لوگو کی جگی چھپکلی بنا کر پوسٹ کرکے اسے معروف بیکری کا نیا لوگو قرار دیدیا۔
Layers Introduced her New Logo !!! 😬 pic.twitter.com/vHW1DjbmEF
— AحMAD🔥 (@Hayee_mazeyy) June 18, 2023
نومی انصاری نے تو حد ہی کر دی۔ اپنی ٹوئیٹ میں انہوں نے ایک ایسی ویڈیو شیئر کی جس میں چھپکلی کو ڈانس کرتے دیکھا جا سکتا ہے۔
https://twitter.com/nkansari92/status/1670031540397674499
اپنی ٹوئیٹ میں ایک اور صارف نے چھت پر چلتی چھپکلی کی تصویر شیئر کرتے ہوئے لکھا کہ یہ چھپکلی اسی بیکری کی طرف جا رہی ہے۔
On her way to layers 🥰 pic.twitter.com/KGhxCIu2Wm
— Ashuuu 🐼 (@ayyyyy_ashu99) June 18, 2023
عثمان نامی ٹوئٹر صارف نے اپنے ٹوئٹ میں بالی ووڈ کے معروف اداکار سلمان خان کا رونے کا کلپ شیئر کرتے ہوئے لکھا کہ میں اسی بیکری سے کیک لینے جارہا تھا مگر مجھے چھپکلی سے ڈر لگ رہا ہے۔
i was just thinking about getting layers ka cake lekin ab chipkali se dar lag raha hai 😭😭 pic.twitter.com/PTfwX4wEZX
— عثمان (@usmssss) June 17, 2023
سوشل میڈیا پرخبر وائرل ہونے کے بعد لاہورسے اپنے کاروبار کا آغاز کرنیوالی اس بیکری نے تمام الزامات کی تردید کرتے ہوئے اپنا بیان جاری کر دیا۔
بیکری انتظامیہ نے دعویٰ کیا کہ ان کی فیصل آباد کی برانچ میں خریدے جانے والے کیک کے اندر سے مُردہ چھپکلی کے ملنے کی اطلاعات یکسر غلط ہیں۔
بیکری نے کہا کہ ان کی فیصل آباد کی ایک برانچ سے کیک میں مردہ چھپکلی ملنے کے دعوے کے بعد بیکری کو بدنام کرنے کی مہم چلائی گئی جب کہ فوڈ اتھارٹی نے ان کی اسلام آباد برانچ کو بھی سیل کر دیا ہے۔
لیئرز نے اپنے بیان میں کہا کہ ہم ذاتی طور گردش کرنے والے الزامات سے متعلق غلط فہمی کو دُور کرنا چاہتے ہیں۔
بیان میں کہا کہ یہ تکنیکی طور پر ناممکن ہے کہ ہماری بنائی جانے والی مصنوعات میں غیر ضروری اشیاء پائی جاتی ہیں، جیسا کہ کہا گیا ہے کہ مبینہ طور پر چھپکلی پائی گئی تھی۔
بیکری نے کہا کہ جس نے بھی بے بنیاد الزمات عائد کیے ہیں ہم سائبر کرائم قوانین کے مطابق اپنے برانڈ کی بدنامی میں ملوث افراد کے خلاف قانونی کارروائی کرنے کا حق محفوظ رکھتے ہیں۔
’ہم آپ کو یقین دلانا چاہتے ہیں کہ ہم بہترین مصنوعات کی فراہمی کے لیے پوری طرح پُرعزم ہیں، شکوک و شبہات ہوں تو ہم سے رابطہ کرسکتے ہیں۔‘
