میئر کراچی کا حلف اٹھانے والے مرتضیٰ وہاب کے لیے بُری خبر

کراچی کے نومنتخب میئر مرتضیٰ وہاب کی کامیابی کا نوٹیفکیشن سندھ ہائی کورٹ میں چیلنج کر دیا گیا ہے۔

درخواست گزار نے عدالت العالیہ سے استدعا کی ہے کہ مرتضیٰ وہاب کی میئر تقرری کا نوٹیفکیشن معطل کیا جائے۔ اِن کے انتخاب میں قانون کے تقاضے پورے نہیں کیے گئے۔

مزید پڑھیں

• کراچی میئر الیکشن میں پی ٹی آئی رہنما فردوس شمیم نقوی نے اپنا ووٹ کاسٹ کیوں نہیں کیا؟

  

• حافظ نعیم الرحمان کا میئر کراچی کے خلاف تحریکِ عدم اعتماد لانے کا اعلان

  

• جماعت اسلامی نے دھرنا دیا تو انہیں منانے جاؤں گا، مرتضیٰ وہاب

  

• پیپلز پارٹی نے مینڈیٹ پر ڈاکہ ڈالا، اب ایوان چلا کر دکھائے: حافظ نعیم الرحمٰن

  

درخواست میں سندھ حکومت، الیکشن کمیشن اورمرتضیٰ وہاب کو فریق بنایا گیا ہے۔

درخواست شہری محمد عامر کی جانب سے دائر کی گئی اور وکیل کی جانب سے استدعا کی گئی ہے کہ منگل 20 جون کو سماعت کی جائے۔

واضح رہے کہ مرتضیٰ وہاب 15 جون کو 173 ووٹ لے کر میئر کراچی منتخب ہو گئے تھے جبکہ ان کے مد مقابل جماعت اسلامی کے حافظ نعیم الرحمان کو 160 ووٹ ملے تھے۔

32 افراد کی غیر موجودگی پر جماعت اسلامی کراچی کے امیر اور میئر کے امیدوار حافظ نعیم الرحمن نے شدید احتجاج کیا اور اس پورے عمل کو جعلی قرار دیا تھا۔