سابق وزیراعظم پاکستان میاں نواز شریف نے کہا ہے کہ یونان میں کشتی حادثہ بہت بڑا انسانی المیہ ہے۔ سینکڑوں انسانوں کی موت کا سبب بننے والے افراد، ایجنٹوں اور کمپنیوں کا کڑا محاسبہ کرنے کے لیے حکومت کو ہر ممکن کوشش کرنی چاہیے۔
پیر کو اپنی ایک ٹوئٹ میں انہوں نے کہا کہ میتوں کو جلد از جلد پاکستان لانے کے لیے فوری انتظامات کیے جائیں۔
یونان میں کشتی حادثہ بہت بڑا انسانی المیہ ہے۔ سینکڑوں انسانوں کی موت کا سبب بننے والے افراد، ایجنٹوں اور کمپنیوں کا کڑا محاسبہ کرنے کیلئے حکومت کو ہر ممکن کوشش کرنی چاہیے۔ میتوں کو جلد از جلد پاکستان لانے کے فوری انتظامات کئے جائیں۔ اللہ تعالٰی مرحومین کی مغفرت فرمائے اور اُن کے…
— Nawaz Sharif (@NawazSharifMNS) June 19, 2023
نواز شریف نے غمزدہ خاندانوں کے ساتھ اظہار ہمدردی کرتے ہوئے کہا کہ دعا ہے اللہ تعالیٰ مرحومین کی مغفرت فرمائے اور سوگواران کو صبر جمیل دے۔
واضح رہے کہ بدھ 14 جون کو یونان میں تارکین وطن کی کشتی کو حادثہ میں پیش آیا تھا جس میں 500 سے زائد افراد موت کے منہ میں چلے گئے۔ مرنے والوں میں 298 پاکستانی بھی شامل ہیں۔
حکومت نے واقعہ کی تحقیقات کے لیے 4 رکنی کمیٹی تشکیل دی ہے۔ اس کے علاوہ 19 جون کو پورے ملک سرکاری سطح پر یوم سوگ منایا گیا اور اس دوران قومی پرچم سرنگوں رہا۔
