چند روز قبل نجی ٹی وی کے مزاحیہ پروگرام میں پاکستان پیپلزپارٹی کے رہنما بیرسٹر اعتزاز احسن اور ماڈل سارہ نیلم نے شرکت کی۔
اس دوران اوورسیز پاکستانیوں سے متعلق پوچھے گئے ایک سوال کے جواب میں ماڈل سارہ نیلم نے کہا کہ بیرون ملک سے لوگ آتے ہیں اور کاٹن کا سفید سوٹ پہنا ہوتا ہے اور کہتے ہیں کہ ہم باہر سے آئے ہیں جبکہ یہ لوگ باہر شاید واش روم صاف کررہے ہوتے ہیں یا کچھ بھی ایسا کام کررہے ہوتے ہیں اور یہاں آ کر کاٹن کا سوٹ پہن لیتے ہیں۔
سارہ نیلم کی جانب سے اوورسیز پاکستانیوں کے حوالے سے دیا گیا بیان سوشل میڈیا پر وائرل ہورہا ہے، اور سارہ نیلم اس وقت شدید تنقید کی زد میں ہیں۔
سماجی رابطے کی ویب سائٹ ٹوئٹر پر احتشام الحق نے لکھا کہ یہ دو نمونے ٹی وی پر بیٹھ کر اوورسیز پاکستانیوں کا مذاق اڑا رہے ہیں، اوورسیز پاکستانی سالانہ تقریبا 31.2 ملین ڈالرز کا زرمبادلہ بھیجتے ہیں، ان کے خلاف یہ مہم ناقابل برداشت ہے اس مہم کو ختم ہونا چاہیے۔
These two idiots made fun of the overseas Pakistanis that they clean toilets and then show off over here. This campaign against overseas is just disgusting which must end. Just in 2021-2022, the remittances sent by overseas is $31.2 billions. Out of 21% of the overseas doctors in… pic.twitter.com/Z2by9wyiFl
— Ihtisham Ul Haq (@iihtishamm) June 20, 2023
ایک اور ٹوئٹر صارف نے لکھا کہ واش روم کی صفائی اپنے خاندان کے لیے روزی کمانے کا حلال طریقہ ہے۔ جو لوگ لاڈ پیار کے ماحول میں پیدا ہوتے اور پرورش پاتے ہیں وہ اسے نہیں سمجھ سکتے۔ لوگ بیرون ملک تعلیم حاصل کرنا چاہتے ہیں، بیرون ملک شادی کرنا چاہتے ہیں، بیرون ملک سے آنے والے رشتہ داروں سے تحائف مانگتے ہیں لیکن ان کے خلاف زہر اگلنے میں اپنی زبان پر قابو نہیں رکھ سکتے۔
واش روم کی صفائی اپنے خاندان کے لیے روزی کمانے کا حلال طریقہ ہے۔ جو لوگ لاڈ پیار کے پس منظر میں پیدا ہوتے ہیں اور پرورش پاتے ہیں وہ اسے نہیں سمجھ سکتے۔.
لوگ بیرون ملک تعلیم حاصل کرنا چاہتے ہیں، بیرون ملک شادی کرنا چاہتے ہیں، بیرون ملک سے آنے والے رشتہ داروں سے… pic.twitter.com/DtOyFAvfcB
— Dr Ahmad Rehan Khan (@AhmadRehanKhan) June 20, 2023
ان کا مزید کہنا تھا کہ بنیادی طور پر یہ ان کا حسد ہے، یہی لوگ امریکا میں مقیم پاکستانی تنظیموں سے درخواست کرتے ہیں کہ وہ انہیں مختلف پراجیکٹس کے لیے وزٹ ویزا سپانسر کریں۔ افسوس!
مصباح رانجھا نے اپنے ٹوئٹ میں لکھا کہ میں بحیثیت اوورسیز پاکستانی دنیا ٹی وی کے مشہور پروگرام مذاق رات میں ماڈل سارا نیلم اور قیصر پیا کی طرف سے اوورسیز پاکستانیوں کے خلاف بہیودہ زبان استعمال کرنے پر اس کی پرزور مذمت کرتا ہوں
الحمدللہ ! میں رزق حلال کماتا ہوں اور اتنا ہی کہوں گا ہماری عورتیں عزت سے گھر بیٹھ کر کھاتی ہیں۔
میں بحیثیت اوورسیز پاکستانی دنیا ٹی وی کے مشہور پروگرام مذاق رات میں ماڈل سارا نیلم اور قیصر پیا کی طرف سے اوورسیز پاکستانیوں کے خلاف بہیودہ زبان استعمال کرنے پر اس کی پرزور مذمت کرتا ہوں
الحمدللہ میں رزق حلال کماتا ہوں اور اتنا ہی کہوں گا ہماری عورتیں عزت سے گھر بیٹھ کر کھاتی— Misbah Ranjha (@misbah_ranjha) June 20, 2023
سوشل میڈیا پر شدید تنقید کے بعد پروگرام کے میزبان واسع چوہدری نے تمام اوورسیز پاکستانیوں سے معافی مانگتے ہوئے سماجی رابطے کی ویب سائٹ ٹوئٹر پر اپنے ٹوئٹ میں لکھا کہ گزشتہ رات ہمارے شو میں ایک مہمان کی جانب سے اوورسیز پاکستانیوں کے متعلق انتہائی احمقانہ، گھٹیا اور مضحکہ خیز تبصرہ کیا گیا تھا جس کے بعد پروگرام کے کامیڈین کی جانب سے بھی مذاق اڑایا گیا، مذاق رات کی پوری ٹیم کی جانب سے میں معافی مانگتا ہوں۔
I want to publicly apologise on behalf of my whole team at #Mazaqraat ,a very stupid,Vile & ridiculous comment was made recently abt overseas's Pakistani's by one of the guests in our show which was followed up by an attmepted joke by one of the comedians(again in bad taste)
— vasay chaudhry (@vasaych) June 20, 2023
واسع نے کہا کہ آج رات نشر ہونے والی قسط میں اس حوالے سے باضابطہ طور پر معذرت کی جائے گی، میں بیرون ملک مقیم تمام پاکستانیوں سے ذاتی طور پر معافی مانگنا چاہتا ہوں۔ ہم آپ سے محبت کرتے ہیں، اگرچہ اس وقت آپ کو ایسا محسوس نہیں ہوگا، لیکن غلطیاں اپنوں سے ہی ہوتی ہیں۔
واسع چوہدری کے بیان کے بعد ماڈل سارہ نیلم نے بھی اپنے انسٹا گرام پر ویڈیو بیان جاری کر دیا اور اوورسیز پاکستانیوں سے معافی مانگ لی۔
اپنے ویڈیو بیان میں ان کا کہنا تھا کہ میرا مقصد ہر گز کسی کی دل آزاری کرنا نہیں تھا، میں آپ سب سے دل سے معافی مانگتی ہوں۔
View this post on Instagram
ان کا مزید کہنا تھا کہ آپ سب نے تنقید کر دی، میرا مذاق بھی اڑا لیا مگر کوئی اس کے پس منظر میں نہیں گیا۔ آپ سب لوگوں کو پتہ ہونا چاہیے کہ مذاق رات پروگرام کا اسکرپٹ پہلے سے طے شدہ تھا، آپ سب کونہیں معلوم کہ سوشل میڈیا پر تنقید سے میں اور میری فیملی کس ذہنی اذیت سے گزر رہی ہے۔
اس سے پہلے 2016 میں بھی واسع چوہدری نے اپنے پروگرام میں پختونوں کا مذاق اڑایا تھا اور پھر اس پر انہیں معافی مانگنا پڑی تھی۔
