گوگل پکسل فون سے اپنے موبائل کی بیٹری کیسے چارج کریں؟

گوگل نے موبائل ٹیکنالوجی میں انقلابی سہولت مہیا کر دی، آپ اگر اپنے کسی دوست کے ساتھ کسی کام سے گھر سے دور ہیں اور آپ کا موبائل چارج نہیں ہے تو گھبرانے کی ضرورت نہیں، آپ اپنے دوست کے موبائل سے بھی اپنے فون کی بیٹری چارج کر سکتے ہیں، شرط یہ ہے کہ آپ کے دوست کے فون کی بیٹری چارج ہو۔ یہ واقعی حیران کُن ٹیکنالوجی ہے؟

جی ہاں آپ اپنے گوگل پکسل فون (google pixel phone) سے دیگر آلات کو وائرلیس طور پر چارج کر سکتے ہیں؟

آپ اپنے Pixel 5, Pixel 6, Pixel 6 Pro, Pixel 7 اور Pixel 7 Pro پر Qi سے تصدیق شدہ فونز یا لوازمات جیسے Pixel Buds کو وائرلیس چارج کرنے کے لیے بیٹری شیئر کا آپشن استعمال کر سکتے ہیں۔

بیٹری شیئر آپشن کیسے کام کرتا ہے؟

سب سے پہلے اپنے ، Pixel 7 Pro، Pixel 6 Pro، Pixel 6، یا Pixel 5 کی سیٹنگ میں جا کر بیٹری شیئر کے آپشن کو آن کریں۔ اس کے بعد جس موبائل سے چارج کرنا ہے اور جس موبائل فون کی بیٹری چارج کرنی ہے اور جس سے چارج کرنا ہے، اس کو نیچے تصویر میں دیکھائے گئے طریقے سے جوڑنے سے چارجنگ شروع ہو جاتی ہے۔

یہاں اہم بات یہ ہے کہ اپنے موبائل فون کو وائرلیس چارج کرنے سے پہلے، فون کے پچھلے حصے سے کوئی بھی دھاتی یا مقناطیسی اٹیچمنٹ ہٹا دیں، بشمول Apple MagSafe، Pop Sockets، یا رنگ ہولڈرز۔

جب موبائل فون چارج ہو جاتا ہے تو بیٹری شیئر کا آپشن ازخود بند ہو جاتا ہے یا اگر موبائل فون گرم ہو جائے تو بھی بیٹری شیئر از خود بند ہو جاتی ہے، اگر موبائل فون صحیح طریقے سے نہ رکھے گئے ہوں تو بھی بیٹری شیئر کا آپشن از خود بند ہو جاتا ہے۔ آپ اپنی مرضی سے سیٹنگ بھی کر سکتے ہیں کہ آپ کا فون دس فیصد چارج ہو جائے تو یہ آپشن از خود بند ہو جائے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں