آج ملک کے بیشتر علاقوں میں موسم خشک اور گرم رہے گا، تاہم آزاد کشمیر، مری اور اسلام آباد میں گرج چمک کے ساتھ بارش کا امکان ہے۔
محکمہ موسمیات کے مطابق ملک کے بیشتر علاقوں میں موسم شدید گرم اور مرطوب جبکہ میدانی علاقوں میں بعد از دوپہر گرد آلود ہوائیں/جھکڑ چلنے کا امکان ہے، تاہم شمال مشرقی بلوچستان، کشمیراورگردو نواح میں آندھی/جھکڑ چلنے اورگرج چمک کے ساتھ بارش ہو سکتی ہے۔
اسلام آباد میں دن میں موسم شدید گرم اور مرطوب رہے گا۔ تاہم شام/رات کے دوران تیز ہواؤں اور گرج چمک کے ساتھ بارش کا امکان ہے۔
24جون کا موسم
ملک کے بیشتر علاقوں میں موسم گرم اور مرطوب رہنے کی توقع ہے، تاہم شمال مشرقی پنجاب، شمالی بلوچستان، کشمیر اور ملحقہ پہاڑی علاقوں میں چند مقامات پر گرج چمک کے ساتھ بارش کا امکان ہے۔
25جون کا موسم
ملک کے بیشتر علاقوں میں موسم گرم اور مرطوب رہنے کا امکان ہے۔ تاہم خیبرپختونخوا، شمال مشرقی پنجاب، خطہ پوٹھوہار، جنوب مشرقی بلوچستان اور کشمیر میں گرج چمک کے ساتھ بارش کا امکان ہے۔
26جون کا موسم
ملک کے زیادہ تر علاقوں میں موسم گرم اور مرطوب رہے گا۔اس دوران چند مقامات پر موسلا دھار بارش کا امکان ہے، تاہم گلگت بلتستان، کشمیر، خیبرپختونخوا، پنجاب، شمال مشرقی بلوچستان، اسلام آباد اور بالائی/وسطی پنجاب میں گرج چمک کے ساتھ بارش کا امکان ہے۔
27جون کا موسم
گلگت بلتستان، کشمیر، خیبرپختونخوا، پنجاب، شمال مشرقی بلوچستان، اسلام آباد اور پنجاب میں گرج چمک کے ساتھ بارش کا امکان ہے، ملک کے دیگر علاقوں میں موسم گرم اور مرطوب رہے گا۔
28جون کا موسم
گلگت بلتستان، کشمیر، خیبرپختونخوا، پنجاب، شمال مشرقی بلوچستان، اسلام آباد، بالائی سندھ اور پنجاب میں گرج چمک کے ساتھ بارش کا امکان ہے۔ ملک کے دیگر علاقوں میں موسم گرم اور مرطوب رہے گا۔
