ملک میں براہ راست غیرملکی سرمایہ کاری میں مئی 2023 کے دوران سالانہ بنیادوں پر 6 فیصد کی نمو ہوئی ہے۔ مئی 2023 میں ملک میں براہ راست غیرملکی سرمایہ کاری کاحجم 150 ملین ڈالر ریکارڈ کیا گیا جو گزشتہ سال مئی کے مقابلہ میں 6 فیصد زیادہ ہے، گزشتہ سال مئی میں ملک میں 143 ملین ڈالرکی براہ راست غیرملکی سرمایہ کاری ریکارڈ کی گئی تھی۔
اسٹیٹ بینک کے مطابق جاری مالی سال کے پہلے 11 ماہ میں ملک میں 1.320 ارب ڈالر کی براہ راست غیر ملکی سرمایہ کاری ریکارڈ کی گئی جو گزشتہ مالی سال کی اسی مدت کے مقابلہ میں 21 فیصد کم ہے، گزشتہ مالی سال کی اسی مدت میں ملک میں براہ راست غیر ملکی سرمایہ کاری کا حجم 1.665 ارب ڈالر ریکارڈ کیا گیا تھا۔ جاری مالی سال کے پہلے 11 ماہ میں ملک میں پورٹ فولیو سرمایہ کاری کا حجم 294 ملین ڈالر ریکارڈ کیا گیا ہے۔
