وزیراعظم شہبازشریف نے ترکیہ کے صدر رجب طیب اردوان کو ٹیلی فون کیا اور ترکیہ میں زلزلے سے ہونے والی تباہی پر اظہار افسوس کیا ، وزیراعظم نے کہا قیمتی انسانی جانوں کے ضیاع پر بے حد رنجیدہ ہیں ۔
وزیراعظم نے مزید کہا غمزدہ خاندانوں سے دلی ہمدردی اور تعزیت کرتے ہیں ،آزمائش کی گھڑی میں پاکستان اپنے بھائی ترکیہ اور اسکے عوام کے ساتھ ہے
وزیراعظم شہبازشریف نے کہا زلزلے کی تباہی سے نمٹنے میں پاکستان ترکیہ کی حکومت اور عوام کے ساتھ بھرپور تعاون کرے گا، قدرتی آفات اور موسمیاتی تباہی کسی سرحد، خطے اور مخصوص قوم تک محدود نہیں ۔
وزیراعظم نے جاں بحق افراد کی مغفرت ، اہل خانہ کے لئے صبر جمیل اور زخمیوں کی جلد صحت یابی کی دعا بھی کی ،
ترکیہ کے صدر رجب طیب اردوان نے ٹیلی فون اور حمایت کرنے پر وزیراعظم شہبازشریف کا شکریہ ادا کیا ۔ کہا آپ کے اور پاکستانی عوام کے جذبات کی قدر کرتا ہوں۔
سب کی خبر
