صوبہ بلوچستان کے علاقے پنجرہ میں مسافر گاڑی کے گہری کھائی میں گرنے سے ایک ہی خاندان کے 6 افراد جاں بحق ہو گئے ہیں، 6 افراد زخمی بھی ہوئے ہیں۔
مقامی پولیس نے بتایا ہے کہ بلوچستان بولان کے علاقے پنجرہ پل کے قریب مسافر کار کے اچانک گہری کھائی میں گرنے کے نتیجے میں میں ایک ہی خاندان کے 6 افراد جان کی بازی ہار گئے۔ گاڑی سڑک سے کئی فٹ نیچے گہری کھائی میں گری، جاں بحق افراد کا تعلق ایک ہی خاندان سے تھا۔
جاں بحق ہونے والوں میں 3خواتین، 1بچہ اور 2مرد جاں بحق ہوئے ہیں۔ جب کہ ریسکیو حکام نے حادثے میں خواتین اور بچوں سمیت 6 افراد کے زخمی ہونے کی بھی تصدیق کی ہے۔
ریسکیو حکام کا کہنا ہے کہ حادثے میں زخمی ہونے والے تمام افراد کو مقامی اسپتال منتقل کر دیا گیا ہے جہاں انہیں طبی امداد دی جا رہی ہے۔
پولیس حکام کا کہنا ہے کہ مسافر گاڑی سندھ سے کوئٹہ کی طرف جارہی تھی کہ بولان کے قریب اچانک سڑک سے کئی فٹ نیچے گہری بولان ندی کے قریب جا گری۔
