پاکستان تحریک انصاف کے چیئرمین عمران خان کی منظوری سے سندھ کے صدر حلیم عادل شیخ نے تحریک انصاف کراچی ڈویژن کے لیے 17 رکنی نگران کمیٹی قائم کر دی ہے۔ پی ٹی آئی سندھ کے جنرل سیکریٹری علی پلھ ایڈووکیٹ نے نوٹیفیکیشن جاری کر دیا ہے۔
سیکریٹری اطلاعات پی ٹی آئی سندھ جعفر الحسن کے مطابق کراچی نگران کمیٹی میں خرم شیر زمان کو کوآرڈینیٹر مقرر کیا گیا ہے جبکہ ممبران میں عالمگیر خان، عطاء اللہ خان، فہیم خان، آفتاب جہانگیر، ارسلان تاج، سعید آفریدی، راجا اظہر، مبشر حفیظ الحق، حاجی مظفر شجراح، ڈاکٹر مسرور سیال، ایڈووکیٹ عبدالوہاب بلوچ، ایڈوکیٹ شجاعت علی، ایڈوکیٹ ماہ جبین راجپوت جعفرالحسن اور گوہر خٹک شامل ہیں۔ کراچی نگران کمیٹی میں ڈاکٹر شہاب امام ایڈووکیٹ کو سیکریٹری کمیٹی مقرر کیا گیا ہے۔
کراچی نگران کمیٹی ایک ہفتے کے اندر کراچی کے 7 اضلاع کے عہدیداروں کے نام فائنل کرے گی ضلعی تنظیم مکمل ہونے کے بعد ٹاؤن، یوسی اور بلاک کوڈ سطح تک تنظیم کو مکمل کیا جائےگا۔
