پاکستان کے کوہ پیما آصف بھٹی کی نانگا پربت سر کرنے کے دوران پہاڑ پر پھنس جانے کی خبریں سامنے آ رہی ہیں۔
میڈیا رپورٹس کے مطابق آصف بھٹی کیمپ فور پر 7500 میٹر کی بلندی پر موجود ہیں جہاں سے انہیں ریسکیو کرنے کے لیے اقدامات کیے جا رہے ہیں۔
واضح رہے کہ نانگا پربت سر کرنے کی مہم کے دوران ہسپانوی سیاح دل کا دورہ پڑنے سے ہلاک ہو گیا ہے۔
یہ بھی یاد رہے کہ 8 ہزار 126 میٹر بلند پہاڑی نانگا پربت کا شمار دنیا کی نویں بلند ترین چوٹی میں ہوتا ہے۔ نانگا پربت کو اتوار 2 جولائی کو پاکستان ہی کی خاتون کوہ پیما نائلہ کیانی نے سر کیا ہے۔
اس کے علاوہ ثمینہ بیگ اور دیگر پاکستانی کوہ پیما بھی نانگا پربت کو سر کر چکے ہیں۔
نانگا پربت کی مہم جوئی کے دوران پھنسنے والے آصف بھٹی اسلام آباد کی ایک یونیورسٹی میں پروفیسر کے عہدے پر فائز ہیں۔
