سوشل نیٹ ورکنگ پلیٹ فارمز فیس بک، انسٹاگرام اور واٹس ایپ کے مالک ادارے میٹا نے ٹوئٹر کے مقابلے میں ایک نئی ایپ لانچ کردی ہے جس نے لانچ کے پہلے روز ہی 2 کروڑ سے زائد سبسکرائبرز حاصل کر لیے۔جہان یہ ایپ ٹوئٹر کے مقابلے میں لانچ کی گئی ہے وہیں ٹوئٹر پر ہی اس ایپ کے خوب چرچے ہیں۔ لانچ کے پہلے ہی چند گھنٹوں میں میٹا کی ایپ تھریڈز ٹوئٹر پر ٹرینڈ کرنے لگی جو ابھی تک ٹاپ ٹرینڈز میں ہے۔
نئی ایپ کی لانچ کی دیر تھی کہ سماجی رابطوں کی ویب سائٹس پر صارفین کی جانب سے تبصروں ، تجزیوں کا ایک طوفان امڈ آیا ، کوئی میمز شئیر کرتا دیکھائی دیا تو کوئی اپنی پسندیدہ شخصیت کے فالوورز گنتا نظر آیا۔ وہی کچھ صارفین ایسے بھی تھے جو تھریڈز اکاؤنٹ کے اسکرین شاٹس ٹوئٹر پر شئیر کرتے دیکھائی دیے۔
نئی متعارف کردہ ایپ تھریڈز کو جہاں دیگر ملکوں سے تعلق رکھنے والے افراد و اداروں نے استعمال کرنا شروع کیا وہیں پاکستانی صارفین بھی اس ایپ کو زور وشور سے استعمال کر رہے ہیں ، کوئی اپنی تصویر شئیر کر رہا ہے تو کسی صارف کو ٹوئٹر کی یاد ستا رہی ہے ، کسی کو استعمال کرنے میں دشورای ہے تو کسی صارف کی رگ ظرافت پھڑک اٹھی اور طنز و مزاح کا ماحول بنا ڈالا ہے غرضیکہ سوشل میڈیا صارفین اس نئی ایپ سے خوب لطف اندوز ہورہے ہیں۔
جہاں صارفین اس ایپ کو استعمال کرنے کا مشورہ دیتے آئے وہاں کچھ ایسے صارفین بھی تھے جنہوں نے ابھی تک اس ایپ کو ڈاؤنلوڈ نہیں کیا ، اسی حوالے سے ایک صارف نے ٹویٹ کرتے ہوئے لکھا میں وہ بندی ہوں جس نے تھریڈز انسٹال نہیں کیا اور نہ ہی انسٹال کرنے کا موڈ ہےکیا یہ دنیا مجھے معاف کر دے گی؟
میں وہ بندی ہوں جس نے تھریڈز انسٹال نہیں کیا اور نہ ہی انسٹال کرنے کا موڈ ہے🤧کیا یہ دنیا مجھے معاف کر دے گی؟
— کوکو (@coko_moo) July 6, 2023
ٹوئٹر اور تھریڈز کے درمیان سخت مقابلے کی پیشگوئی کرتے ہوئے صارف فاخرہ رمضان نے لکھا تھریڈز اور ٹویٹر میں جتنا کمپیٹیشن ہو گا ،اتنا ہی مسکو اچھا کام کرے گا
تھریڈز اور ٹویٹر میں جتنا کمپیٹیشن ہو گا ،اتنا ہی مسکو اچھا کام کرے گا😝😝
— فاخرہ رمضان (@faakhirahramzan) July 6, 2023
تھریڈز ایپ کے حوالے سے کچھ صارفین کا ماننا تھا کہ کچھ سیکیورٹی خطرات ہوسکتے ہیں اور صارفین کا ڈیٹا لیک ہوسکتا ہے ، اسی حوالے سے ایک صارف نے ایک میم کا سہارا لیتے ہوئے لکھا تھریڈز پر اکاؤنٹ بنانے کے بعد جب ڈیٹا لیک ہونے والی ٹویٹ پڑھ لی ہو
تھریڈز پر اکاؤنٹ بنانے کے بعد جب ڈیٹا لیک ہونے والی ٹویٹ پڑھ لی ہو pic.twitter.com/9AbkFRElNB
— Zaman 𝕄𝕖𝕙𝕒𝕣 (@Mrinsafian) July 6, 2023
جہاں صارفین طنزو مزاح کرتے دیکھائی دیے وہی کچھ صارفین اپنے پسندیدہ سیاسی لیڈرز کے اکاؤنٹ اور ان کے فالوورز کا موازنہ بھی کرتے نظر آئے ایک صارف نے مریم نواز اور عمران خان کے اکاؤنٹس کے اسکرین شاٹس شئیر کرتے ہوئے لکھا مریم صفدر کا نئی ایپ تھریڈز پر پروفائل پڑھیں۔ماشااللّہ شہزادہ عمران نیازی نئی ایپ تھریڈز پر بھی سب سے زیادہ فالورز رکھنے والے پاکستانی سیاستدان بن گئے
مریم صفدر کا نئی ایپ تھریڈز پر پروفائل پڑھے 🤦🏻♂️
ماشااللّہ شہزادہ عمران نیازی نئی ایپ تھریڈز پر بھی سب سے زیادہ فالورز رکھنے والے پاکستانی سیاستدان بن گئے pic.twitter.com/7Nnyx8dS27
— Addy (@BeingAddyPTI) July 6, 2023
دیکھتے ہی دیکھتے ٹوئٹر کی طرح تھریڈز پر بھی سیاسی رنگ نظر آنے لگا، ایک صارف نے لکھا تھریڈز ایپ پرپی ٹی آئی چھاگئی،عمران خان سمیت پی ٹی آئی کےتقریباًتمام اکاونٹس ایکٹوہوچکےہیں،یہ ایپ انتہائی آسان ہےجس کاانسٹاگرام پراکاونٹ ہےاُسے نیااکاونٹ بنانےکی ضرورت نہیں،ڈاون لوڈ کریں اورٹیکنالوجی کےمیدان میں نئی آنےوالی ایپ تک جلدرسائی حاصل کریں،ایلون مسک کاکچھ پتہ نہیں چلتا
تھریڈز ایپ پرپی ٹی آئی چھاگئی،عمران خان سمیت پی ٹی آئی کےتقریباًتمام اکاونٹس ایکٹوہوچکےہیں،یہ ایپ انتہائی آسان ہےجس کاانسٹاگرام پراکاونٹ ہےاُسے نیااکاونٹ بنانےکی ضرورت نہیں،ڈاون لوڈ کریں اورٹیکنالوجی کےمیدان میں نئی آنےوالی ایپ تک جلدرسائی حاصل کریں،ایلون مسک کاکچھ پتہ نہیں چلتا
— Mughees Ali (@mugheesali81) July 6, 2023
ایک اور صارف نے لکھا یوٹیوب ٹک ٹاک ٹویٹر انسٹا کے بعد اب تھریڈز پر بھی خان اور پاکستان کیلیے ٹائم دینا پڑے گامیری یہ بات بے لوث خان صاحب اور حقیقی آزادی کے لیے ٹائم دینے والے آہ کہہ کر سمجھیں گے انسٹا نے صرف نام بدل کر ٹویٹر کا پروگرام ۱۰۰فیصد کاپی کیا ہےکاش پاکستان میں بھی کوئی کاپی کرکے ایسی ایپ بناتا
یوٹیوب ٹک ٹاک ٹویٹر انسٹا کے بعد اب تھریڈز پر بھی خان اور پاکستان کیلیے ٹائم دینا پڑے گا
میری یہ بات بے لوث خان صاحب اور حقیقی آزادی کے لیے ٹائم دینے والے آہ کہہ کر سمجھیں گے 😀
انسٹا نے صرف نام بدل کر ٹویٹر کا پروگرام ۱۰۰فیصد کاپی کیا ہے
کاش پاکستان میں بھی کوئی کاپی کرکے ایسی…— Stranger (@AsaddRattay) July 6, 2023
واضح رہے کہ صرف انسٹاگرام صارفین اپنے موجودہ صارف ناموں کے ساتھ تھریڈز پر لاگ ان کر سکیں گے اور نئی ایپ پر ان ہی اکاؤنٹس کو فالو کر سکیں گے جو انہوں نے انسٹاگرام پر فالو کیے ہیں۔ نئے صارفین کو پہلے انسٹاگرام اکاؤنٹ بنانا ہو گا۔
