صوبہ پنجاب کے علاقے سرگودھا بھلوال میں مسافر گاڑی میں نصب سلنڈر پھٹ گیا جس کے نتیجے میں 7 افراد جان کی بازی ہار گئے ہیں۔
میڈیا رپورٹس کے مطابق حادثے کے باعث 14 افراد زخمی بھی ہوئے جن کو علاج کے لیے قریبی اسپتال منتقل کر دیا گیا۔
گاڑی بھلوال سے کوٹ مومن کی طرف سفر کر رہی تھی کے حادثہ پیش آ گیا۔ مسافر وین میں 21 افراد سوار تھے۔
دوسری جانب نگران وزیراعلیٰ محسن نقوی نے گاڑی میں سلنڈر پھٹنے کے واقعے کا نوٹس لے کر متعلقہ حکام سے رپورٹ طلب کر لی ہے۔
محسن نقوی نے ذمہ داران کو حکم دیا ہے کہ واقعے کی مکمل تحقیقات کی جائیں اور زخمیوں کو علاج کی بہترین سہولتیں فراہم کریں۔
