گوگل اپنے صارفین کے لیے نیا انتہائی اہم فیچر متعارف کرانے جارہا ہے جس کے تحت گوگل کیلنڈر ایپلی کیشن میں شیئر کا بٹن شامل کیا جائے گا جس کے بعد پہلے سے کارآمد فیچر صارفین کے لیے مزید کارآمد ہو جائے گا۔
اینڈرائیڈ ایپلی کیشن گوگل کلینڈر نئے فیچر کے بعد صارفین کے لیے آسانی پیدا کردے گا، ایپ میں شیئر کا بٹن شامل ہونے کے بعد ایونٹ کے منتظمین بڑی تعداد میں لوگوں کو انفرادی طورپرای میل کیے بغیر ہی دعوت نامے بھیج سکیں گے۔
مثال کے طور پر کیلینڈرایپ پر جیسے ہی کوئی صارف کسی بھی ایونٹ کو سیٹ کرے گا اس دوران ایونٹ کے نام اور تاریخ کے نیچے ایک شیئر بٹن دکھائی دے گا جسے دبانے کے بعد صارف اس ایونٹ کو ٹیلی گرام، واٹس ایپ یا ان جیسی متعدد ایپ میں شیئر کر سکے گا۔
مزید پڑھیں
اس کے علاوہ جن افراد کو دعوت نامہ بھیجا جائے گا وہ دعوت نامہ موصول ہوتے ہی لنک پر اپنی رائے کا اظہار کرسکیں گے جیسے کہ کسی کو دعوت نامہ بھیجا جائے گا وہ اس پر اپنی رائے یا رد عمل کا اظہار کرتے ہوئے لنک پر ہاں، ناں یا شاید کا انتخاب کرتے ہوئے اپنی دستیابی کے متعلق جواب دے سکے گا۔
گوگل نے یہ فیچر رواں سال مارچ کے مہینے میں نامکمل شکل میں متعارف کرایا تھا تاہم ابھی تک اسکو ختمی شکل نہیں دی جا سکی ہے۔
ایک ٹوئٹر صارف نے گوگل کے اس نئے فیچر سے متعلق ایک ویڈیو شیئر کی جس میں اسکو ایک نامکمل شکل میں دیکھا جا سکتا ہے۔
I have shared earlier about Google preparing to add event link sharing directly from Google Calendar app, it was not functional before. Now it works and here is a video showing it in action.#Google #Android pic.twitter.com/c4DDkP6cwY
— AssembleDebug (@AssembleDebug) July 1, 2023
صارف نے ویڈیو شیئر کرتے ہوئے لکھا کہ گوگل نے اس فیچر پر کام مکمل کر لیا ہے تاہم ابھی اسکو لانچ نہیں کیا جارہا ہے۔
واضح رہے کمپنی کی جانب سے ابھی تک اس فیچر کو لانچ کرنے کا فی الحال کوئی اعلان نہیں کیا گیا ہے۔
