ملک کے بیشتر علاقوں میں موسم گرم اور خشک رہے گا۔ تاہم کشمیر، گلگت بلتستان، خیبر پختونخوا، جنوبی پنجاب، بالائی سندھ اور شمال مشرقی بلوچستان میں آندھی اور گرج چمک کے ساتھ بارش متوقع ہے۔
محکمہ موسمیات کے مطابق اسلام آباد میں دن کے اوقات میں موسم گرم اور خشک رہے گا۔ تاہم شام سے رات کے درمیان تیز ہواؤں اور گرج چمک کے ساتھ بارش کا امکان ہے۔ خیبرپختونخوا کے بیشتر اضلاع میں مطلع جزوی ابر آلود رہنے کے علاوہ چترال، دیر، سوات اور کوہستان میں آندھی اور گرج چمک کے ساتھ بارش کا امکان ہے۔
پنجاب کے بیشتر اضلاع میں موسم گرم اور خشک رہے گا۔ اٹک، مری، گلیات اور گرد و نواح میں تیز ہواوٗ ں اور گرج چمک کے ساتھ بارش ہو سکتی ہے۔ بلوچستان کے بیشتر اضلاع میں موسم گرم اور خشک رہے گا۔
بعد از دوپہر سبی، بارکھان، ژوب اور موسیٰ خیل میں گرج چمک کے ساتھ بارش کا امکان ہے۔ سندھ کے بیشتر اضلاع میں موسم خشک اور گرم رہے گا۔ تاہم تھرپارکر، جیکب آباد، سکھر، لاڑکانہ، شہید بینظرآباد، خیر پور اور گردونواح میں گرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابرآلود رہنے کے علاوہ گرج چمک کےساتھ بارش کا امکان ہے۔
