سپریم کورٹ آف پاکستان (ایس سی ) میں ملٹری کورٹس اور پریکٹس اینڈ پروسیجر بل 2023 سے متعلق مقدمات سماعت کے لیے مقرر کر دیے گئے ہیں۔
سپریم کورٹ آف پاکستان کے رجسٹرار آفس کے مطابق سپریم کورٹ میں ملٹری کورٹس کے حوالے سے کیس سماعت کے لیے مقررکر دیا گیا ہے۔ چیف جسٹس آف پاکستان کی سربراہی میں 6 رکنی بینچ 18 جولائی منگل کو کیس کی سماعت کرے گا۔
ادھر سپریم کورٹ پریکٹس اینڈ پروسیجر بل 2023 سے متعلق کیس بھی سماعت کیلئے مقرر کردیا گیا ہے۔ چیف جسٹس پاکستان کی سربراہی میں 8 رکنی لارجر بینچ 21 جولائی کو اس مقدمے کی سماعت کرے گا۔سپریم کورٹ آف پاکستان نے دونوں مقدمات میں فریقین کو نوٹسز جاری کر دیے ہیں۔
