امریکی وزیر خارجہ انتونی بلنکن پاکستان اور عالمی مالیاتی فنڈ (آئی ایم ایف) کے درمیان ہونے والے معاہدے کا خیر مقدم کرتے ہوئے کہا ہے کہ امریکا اس مشکل وقت میں پاکستانی عوام کے ساتھ کھڑا ہے۔
اپنے ٹوئٹر پیغام میں انتونی بلنکن نے کہا ہے کہ ’مشکل وقت میں پاکستانی عوام کے ساتھ کھڑے ہیں‘۔ ان کا مزید کہنا تھا کہ ’پاکستان کے لیے آئی ایم ایف پروگرام کی منظوری کا خیر مقدم کرتے ہیں‘۔
We stand by the Pakistani people during these hard times and welcome the International Monetary Fund's approval of a program to support Pakistan. We urge Pakistan to continue working with @IMFNews toward macroeconomic reforms and sustainable economic recovery.
— Secretary Antony Blinken (@SecBlinken) July 13, 2023
انتونی بلنکن کا کہنا تھا خواہش ہے پائیدار معاشی بحالی اور میکرو اکنامک ریفارمز کے لیے پاکستان آئی ایم ایف کے ساتھ کام جاری رکھے۔
یاد رہے کہ اس معاہدے کے حوالے سے حکومت پاکستان نے امریکی انتظامیہ سے بھی درخواست کی تھی کہ وہ آئی ایم ایف کو پاکستان کے ساتھ معاہدے کے لیے راضی کرنے میں اپنا کردار ادا کرے۔ آئی ایم ایف کے ایگزیکٹو بورڈ نے پاکستان اور مالیاتی ادارے کے مابین ہونے والے 3 ارب ڈالر کے اسٹینڈ بائی معاہدے کی 12 جون کو منظوری دی تھی۔ جمعرات کو پاکستان کو معاہدے کے تحت ایک ارب 20 کروڑ ڈالر کی پہلی قسط موصول ہوئی۔
