سابق وزیر داخلہ شیخ رشید احمد نے آنے والے انتخابات کو یوم حساب اور احتساب قرار دیتے ہوئے کہا ہے کہ قیامت سے پہلے حکومت پر سیاسی قیامت ٹوٹی گی، قرضہ اُس وقت ملا جب مہمان اداکاروں کا کھیل ختم ہونے والا تھا اور معاہدے کا آخری دن تھا، غریب پر مہنگائی کا مزید بوجھ بڑھے گا۔
شیخ رشید نے اپنے ٹوئیٹ میں کہا ہے کہ ایک سال ضائع کیا گیا، یہ کہتے تھے ہمارے پاس پلان بی اور سی ہے حقیقت میں ان کے پاس کوئی پلان نہیں تھا۔ سعودی عرب اور یو اے ای نے 3 ارب ڈالر کسی اور کے منہ اور کہنے پر دیے ہیں، ان کے کہنے پر کوئی 5 ڈالر خیرات نہیں دیتا، دنیا اور آئی ایم ایف جمہور کی آواز کا احترام کرتی ہے اور قرضے کی 3 قسطوں کی بنیادی وجہ الیکشن کی یقین دہانی ہے۔
آنے والا الیکش یوم حساب اور احتساب ہوگا قیامت سے پہلے حکومت پر سیاسی قیامت ٹوٹی گی قرضہ اُس وقت ملا جب مہمان اداکاروں کا کھیل ختم ہونے والا تھا اور معاہدے کا آخری دن تھا ایک سال ضائع کیا یہ کہتے تھے ہمارے پاس پلان بی اور سی ہے حقیقت میں انکے پاس کوئی پلان نہیں تھا۔ سعودی عرب اور…
— Sheikh Rashid Ahmed (@ShkhRasheed) July 14, 2023
ان کا کہنا تھا کہ بجلی، گیس مہنگی اور سبسڈی ختم، غریب پر مہنگائی کا مزید بوجھ بڑھے گا، معیشت آکسیجن ٹینٹ پر لگی ہے، نہ ایکسپورٹ ہے نہ ترسیلات ہیں، کارخانے چل نہیں رہے۔ گروتھ صفر ہے اوورسیز ناراض ہیں۔
شیخ رشید نے مزید کہا کہ ادائیگیاں پاکستان کے زرمبادلہ کے ذخائر سے 6 گنا زیادہ ہو گئی ہیں، زرداری نے خاموشی تانی ہے، بلاول کی امریکا یاترہ ختم ہونے کا نام نہیں لے رہی، فضل الرحمان بھی بیزار ہیں، یہ کہتے ہیں سیاست نہیں بچائی ریاست بچائی ہے حالانکہ انہوں نے اپنے آپ کو کرپشن اور منی لانڈرنگ کے کیسوں سے بچایا ہے۔
