پنجاب یونیورسٹی کی طالبہ کو جنسی ہراساں کرنے کا مقدمہ درج

پنجاب یونیورسٹی کی طالبہ کے ساتھ جنسی ہراسانی کا واقعہ پیش آنے کا مقدمہ درج کر لیا گیا ہے۔

مسلم ٹاؤن پولیس لاہور نے واقعے کا مقدمہ درج کیا ہے جس کے مطابق رکشہ ڈرائیور نے دوران سفر لڑکی کو جنسی ہراساں کیا اور نقاب اتارنے کی کوشش کی۔

ایف آئی آر میں لکھا گیا ہے کہ ملزم نے لڑکی کے ساتھ دست درازی کرتے ہوئے گالیاں اور دھمکیاں بھی دیں۔ سفر شروع ہوتے ہی رکشہ ڈرائیور نے فحش ویڈیو چلائی۔

ایف آئی آر کے مطابق رکشے کا نمبر 2594 اور ملزم کی عمر 25 سال تھی۔

پولیس کا کہنا ہے کہ واقعے کا مقدمہ درج کر لیا گیا ہے جس کے بعد مزید قانونی کارروائی کی جا رہی ہے۔

واضح رہے کہ یہ واقعہ 11 جولائی کو پیش آیا تھا جس کے بعد لڑکی نے پولیس کو رپورٹ درج کرنے کے لیے درخواست دی تھی۔ پولیس نے بالآخر 5 روز بعد مقدمہ درج کر لیا ہے۔