یوکرین کے وزیر خارجہ دمیترو کلیبا 20 تا 21 جولائی پاکستان کا دورہ کریں گے جس دوران وہ اسلام آباد میں وزیر اعظم شہباز شریف سے ملاقات اور وزیر خارجہ بلاول بھٹو زرداری سے تفصیلی بات چیت کریں گے۔
ترجمان دفتر خارجہ کے مطابق پاکستان اور یوکرین کے درمیان خاص طور پر تجارت، سرمایہ کاری، زراعت اور اعلیٰ تعلیم کے شعبوں میں قریبی اور خوشگوار تعلقات ہیں۔
یوکرین کے وزیر خارجہ کا دورہ سنہ 1993 میں دونوں ملکوں کے درمیان سفارتی تعلقات کے قیام کے بعد پہلا وزارتی دورہ ہے۔ توقع ہے کہ اس سے دونوں ممالک کے درمیان دو طرفہ تعلقات کو مزید مضبوط بنانے میں مدد ملے گی۔
