ٹوئٹر صارفین اب کتاب جتنی طویل ٹوئٹ بھی کر سکیں گے

دنیا بھر میں مقبول مائیکرو بلاگنگ پلیٹ فارم ٹویٹر کے سی ای او ایلون مسک نے کہا ہے کہ انکی کمپنی ایک ایسے نئے فیچر پر کام کر رہی ہے جس سے صارفین 10 ہزار حروف سے بھی زیادہ طویل پوسٹس کر سکیں گے۔

اس فیچر کو ٹویٹر نوٹس کا نام دیا گیا ہے جو بنیادی طور پر ٹوئٹر کے ایک پرانے فیچر آرٹیکلز کا نیا نام ہے۔ اس فیچر کے ذریعے صارفین بہت زیادہ طویل اور پیچیدہ مضامین میڈیا فائلز کے ساتھ پوسٹ کر سکیں گے۔

طویل نوٹس مضامین ایک الگ فیڈ میں پوسٹ ہوں گے اور تکنیکی طور پر روایتی ٹویٹ نہیں ہوں گے، مگر صارفین اپنے مضامین براہ راست ٹویٹ کر سکیں گے۔

This will allow users to post very long, complex articles with mixed media. You could publish a book if you want.

— Elon Musk (@elonmusk) July 18, 2023

اسی طرح صارفین ان میں تصاویر، gif امیجز اور ویڈیوز بھی ایڈ کر سکیں گے جبکہ مختلف ٹیکسٹ ایڈیٹنگ ٹولز بھی انہیں دستیاب ہوں گے۔

ابھی یہ واضح نہیں کہ یہ فیچر ٹوئٹر بلیو کے صارفین تک محدود ہوگا یا سب کے لیے دستیاب ہوگا۔

یہ فیچر فی الحال ٹویٹر کے بیٹا (beta) ورژن میں محدود صارفین کو دستیاب ہے۔

ایلون مسک کی جانب سے کی گئی نئی تبدیلی پر ٹویٹر صارفین بھی خوش دکھائی دیتے ہیں۔

ٹی اے ناتھم نے ٹویٹ کرتے ہوئے لکھا کہ تو آپ کہہ رہے ہیں کہ میں اپنے مستقبل کے سبسکرائبرز کے لیے مکمل، اور آسانی سے مختصر کہانیاں شائع کر سکتا ہوں؟

ٹویٹر لکھنے والوں/مصنفین کے لیے روز بروز بہتر ہوتا جا رہا ہے۔

So you’re saying I could publish full, and easily navigable short stories for my future subscribers?

Twitter just keeps getting better everyday for writers/authors.

— Timothy A. Nathan (@tanathanwriter) July 18, 2023

ایک اور ٹویٹر صارف نے اپنے ٹویٹ میں لکھا کہ یہ سمجھ میں آتا ہے، ٹویٹر کے علاوہ کہیں بھی معلومات/میڈیا/خیالات کی فہرست/پوسٹ کرنے کی ضرورت نہیں ہے۔  اس سب کے لیے ٹویٹر ایک ایک مرکزی محفوظ جگہ ہے۔

Makes sense, no reason to need to list/post information/media/thoughts anywhere but on Twitter.
One central protected place

— Emmet Peppers (@EmmetPeppers) July 18, 2023

ریان وولور نے اس پر ٹویٹ کی اور لکھا کہ یہ بہت اچھا ہونے والا ہے۔

This is going to be so good…

— RyanWollner (@PearpopFounder) July 18, 2023

ماجا نامی ٹویٹر صارف نے لکھا کہ مجھے اس سے پہلے یہ سب کرنے کے لیے موبائل سے کمپیوٹر پہ جانا پڑتا تھا اب میں 99.9 فیصد ٹویٹر اپنے موبائل پر استعمال کر سکوں گی۔

I need to switch from mobile to desktop for this feature. I'm 99.9% using Twitter on my mobile.

— Maja Design UR Tee (@majadesigntee) July 18, 2023

مسک نے گزشتہ سال ٹویٹر کو 44 بلین ڈالر میں حاصل کیا تھا اور وہ ایسی تبدیلیاں کر رہے ہیں جنہوں نے سے مشتہرین کو بے چین کر دیا ہے اور صارفین پر پابندیاں لگا دی ہیں، ان میں لوگوں کے ٹویٹس کی پڑھنے تعداد پر نئی حدود بھی شامل ہیں۔