بلوچستان عوامی پارٹی کے مرکزی صدر وزیراعلیٰ بلوچستان میرْعبدالقدوس بزنجو کی زیر صدارت پارٹی کی سینئیر قیادت کا اہم اجلاس ہوا۔
اجلاس میں چیئرمین سینیٹ محمد صادق سنجرانی اور پارٹی کے چیف آرگنائزر اسپیکر بلوچستان صوبائی میر جان محمد جمالی، قومی اسمبلی میں بی اے پی کے پارلیمانی لیڈر میر خالد خان مگسی، سینیٹر نصیب اللہ بازئی اور سینیٹر محمد عبدالقادر بھی اجلاس میں بھی شریک ہوئے۔
اجلا س میں نگران سیٹ اپ کے قیام پر مشاورت ہوئی جب کہ پارٹی کے تنظیمی امور بھی زیر غور آئے۔
اجلاس میں فیصلہ کیا گیا کہ بلوچستان عوامی پارٹی عام انتخابات میں بھرپور حصہ لے گی۔اس کے لیے تمام حلقوں پر پارٹی کے امیدوار کھڑے کیے جائیں گے۔
اس موقع پر یہ بھی فیصلہ کیا گیا کہ دیگر سیاسی جماعتوں سے اتحاد اور سیٹ ایڈجسٹمنٹ کا بھی جائزہ لیا جائے گا۔ جب کہ نٹکٹوں کی تقسیم کے لیے جلد پارلیمانی بورڈ قائم کر دیا جائے گا۔
اجلاس میں پارلیمانی بورڈ کے قیام سمیت دیگر پارٹی امور کے جائزہ کے لیے 26 جولائی کو کوئٹہ میں پارٹی اجلاس منعقد کرنے کا فیصلہ بھی کیا گیا
اس موقع پر بی اے پی کے اراکین سینیٹ، قومی اسمبلی اور صوبائی اسمبلی کو اجلاس میں شرکت یقینی بنانے کی ہدایت کی گئی اس کے علاوہ پارٹی کی سینیئر قیادت کا پارٹی کے مرکزی صدر پر مکمل اعتماد کا اظہار کیا گیا۔
