ظلم و ستم کرنے والی دہلی پولیس کشمیری مظاہرین پر ٹوٹ پڑی۔ دہلی میں پرامن احتجاج کے دوران کشمیری رہنما محبوبہ مفتی کو انسانیت سوز تشدد کا نشانہ بنایا گیا ۔
مودی سرکار نے تحریک آزادی کشمیر کو دبانے کیلئے اوچھا ہتھکنڈہ اپنا لیا۔ بھارتی حکومت حریت پسندوں کے گھر اور کاروبار نا جائز طور پر مسمار کر رہی ہے ۔
کشمیر میڈیا سروس کے مطابق دہلی پولیس کشمیری مظاہرین پر ٹوٹ پڑی۔ دہلی میں پرامن احتجاج کے دوران کشمیری رہنما محبوبہ مفتی پر تشدد۔ گرفتاری کے دوران محبوبہ مفتی ’کشمیر ہمارا ہے‘ کے نعرے لگاتی رہیں ۔
محبوبہ مفتی کے مطابق مقبوضہ کشمیر افغانستان سے بھی بدتر ہے۔ مقبوضہ کشمیر کو افغانستان کی طرح تباہ کیا جا رہا ہے۔ انھوں نے مودی سرکار کو ایسٹ انڈیا کمپنی قرار دے دیا۔ مودی سرکار کا تحریک آزادی کشمیر کو دبانے کے لیے یہ نیا ہتھکنڈہ ہے۔
محبوبہ مفتی کا کہنا تھا بھارتی حکومت حریت پسندوں کے گھر اور کاروبار مسمار کر رہی ہے۔ اننت ناگ میں حریت رہنما قاضی یاسر کی دکانوں کو ناجائز قرار دے کرمسمار کر دیا گیا۔
بھارتی حکومت حریت رہنما شبیر شاہ کا سری نگر میں واقع گھر اور دفتر بھی غیر قانونی طور پر ضبط کر چکی ہے۔ 29 جنوری کو مودی حکومت نے کل جماعتی حریت کانفرنس کے سری نگر میں مرکزی دفتر کو ضبط کر لیا تھا۔
جون 2022 میں نیشنل رجسٹر آف سٹیزنز (این آر سی) کے خلاف دہلی میں مسلم طلباء کے مظاہروں کے جواب میں مودی سرکار نے اجتماعی سزا دیتے ہوئے غیر قانونی طور پر 300 طلباء کے گھروں کو مسمار کر دیا تھا ۔
