سابق وزیر اور پاکستان تحریک انصاف کے رہنما میاں محمود الرشید کو کل صبح جیل میں ہارٹ اٹیک ہوا تھا اور پولیس کی بھاری نفری کے ہمراہ انہیں کارڈیالوجی اسپتال منتقل کر دیا گیا تھا۔ ابتدائی طبی امداد کے بعد انہیں دوبارہ زبردستی جیل منتقل کر دیا گیا ہے حالانکہ ڈاکٹروں نے میاں محمود الرشید کو اسپتال میں ہی رکھنے کی تجویز دی تھی۔ 70 سالہ میاں محمود الرشید پہلے ہی دل کے مریض اور انہیں 3 سٹنٹ ڈل چکے ہیں۔
میاں محمود الرشید 1988 سے ممبر اسمبلی ہیں اور 9 مئی تک ان پر کوئی مقدمہ نہیں تھا۔ 9 مئی کے بعد درجنوں مقدمات میں انہیں نامزد کیا گیا تھا جن میں سے ایک مقدمہ تحریک انصاف کے کارکن کی شہادت کا ہے، وہ 76 دن سے پابند سلاسل ہیں۔
