پشاور میں گاڑی پر فائرنگ سے سرکاری افسر جاں بحق ہو گئے۔ پولیس کے مطابق واقعہ رنگ روڈ دوران پور کے قریب پیش آیا ہے۔
پشاور پولیس کے مطابق سرکاری افسر گاڑی میں جا رہا تھا کہ ان کہ گاڑی پر اچانک فائرنگ ہوئی۔ اطلاع ملتے ہی پولیس موقع ہر پہنچ گئی۔ بتایا کہ فائرنگ سے ایک شخص موقع پر ہی جاں بحق ہو گیا ہے جبکہ ملزمان فرار ہونے میں کامیاب ہو گئے۔ جن کی تلاش جاری ہے۔ پولیس کا کہنا ہے کہ مقتول خیبر پبلک سروس کمیشن میں ڈائریکٹر کے عہدے پر تعنیات تھے۔
پولیس نے لاش تحول میں لے کر پوسٹ مارٹم کے لیے اسپتال منتقل کر دیا ہے۔ پولیس کا کہنا ہے تحقیقات جاری ہیں، پولیس ٹیم نے موقع سے شواہد حاصل کر لیے ہیں۔ ابتدائی طور پر قتل کے محرکات سامنے نہیں آسکے ورثاء کی مدعیت میں مقدمہ درج کیا جائے گا۔
