آئندہ 24 گھنٹوں کے دوران اسلام آباد، کشمیر، خطہ پوٹھوہار، شمال مشرقی پنجاب اور بالائی خیبر پختونخوا میں تیز ہوائوں اور گرج چمک کے ساتھ بارش کا امکان جبکہ ملک کے بیشتر علاقوں میں موسم گرم اور مر طوب رہنے کا امکان ہے۔
محکمہ موسمیات کے مطابق گذشتہ 24 گھنٹوں کے دوران ملک کے بیشترعلاقوں میں موسم گرم اور خشک رہا ہے، تاہم شمال مشرقی/ بالائی پنجاب، خیبر پختونخوا، کشمیر اور خضدار میں چند مقا مات پر تیز ہوائوں اور گرج چمک کے ساتھ بارش ہوئی۔
سب سے زیادہ بارش گوجرانوالہ میں 21، مری 15، سیالکوٹ (شہر) 4، لاہور (سٹی) ایک، کاکول 21، کالام ایک، کوٹلی 10، راولاکوٹ 2 اور خضدار میں 3 ملی میٹر بارش ریکارڈ کی گئی ہے۔
بدھ کو ریکارڈ کئے گئے زیادہ سے زیادہ درجہ حرارت کی رپورٹ کے مطابق دالبندین اور نوکنڈی میں درجہ حرارت46 ڈگری سینٹی گریڈ ریکارڈ کیا گیا ہے۔
