آرمی چیف جنرل سید عاصم منیر نے آج جی ایچ کیو میں ورلڈ جونیئر اسکواش چیمپئن محمد حمزہ خان سے ملاقات کی اور انہیں ملک کے لیے شاندار اعزاز حاصل کرنے پر مبارکباد دی۔
آئی ایس پی آر کی پریس ریلیز کے مطابق ملاقات کے دوران سید عاصم منیر نے کہا کہ ’آپ جسیے باصلاحیت افراد ہم سب کے لیے باعث فخر ہیں اور آپ کی کامیابی اس بات ملک میں موجود بے پناہ ٹیلینٹ کی نشاندہی کرتا ہے‘۔
چیف آف آرمی اسٹاف کا کہنا تھا کہ فوج ملک میں نوجوان ٹیلنٹ کی حمایت جاری رکھے گی اور انہیں تعلیمی حصول اور کھیلوں میں مکمل تعاون فراہم کرنے کی بھی یقین دہانی کراتی ہے‘۔
سید عاصم منیر نے کہا کہ ہمارے نوجوان اس ملک کا مستقبل ہیں اور توجہ، لگن اور محنت ہو تو ایسا کوئی ہدف نہیں جو وطن عزیز حاصل نہ کرسکتا ہو۔
یاد رہے کہ 17 سالہ حمزہ خان نے 23 جولائی کو آسٹریلیا کے شہر میلبرن میں منعقدہ ورلڈ جونیئر اسکواش چیمپئن شپ جیت کر تاریخ رقم کی۔
انہوں نے پہلا گیم ہارنے کے باوجود باؤنس بیک کرتے ہوئے مسلسل 3 گیم اپنے نام کیے اور مصر کے محمد زکریا کو 10-12، 14-12، 11-3 اور 11-6 سے شکست دے کر ایونٹ کے فاتح قرار پائے۔
🎙 "Pakistani Squash is back!"
Here's the moment 🇵🇰 Hamza Khan ended Pakistan's 37-year wait for a WSF World Junior Squash Champion title 🏆#WSFjuniors @paksquash @squashAUS pic.twitter.com/h7K50hAVjH
— World Squash (WSF) (@WorldSquash) July 23, 2023
جان شیر خان کے بعد حمزہ خان پاکستان کی جانب سے ایونٹ جیتنے والے پہلے کھلاڑی بھی بن گئے ہیں۔ پاکستانی لیجینڈ اسکواش اسٹار جان شیر خان نے 37 سال قبل یہ ٹائٹل اپنے نام کیا تھا۔
