ایک نجی ٹیلی ویژن کی ڈراما سیریل ’جانِ جہاں‘ نامور ٹیلی ویژن ستاروں سے بھرا ڈراما ہے۔ اس ڈرامے میں پاکستان کے سب سے بڑے ٹیلی ویژن ستارے نظر آئیں گے۔
![](https://wenews.pk/wp-content/uploads/2023/08/Final-2.jpg)
ڈرامے کی کہانی ردا بلال نے لکھی ہے اور اس کی ہدایتکاری معروف ہدایت کار قاسم علی مرید کر رہے ہیں۔ اس ڈراما سیریل کو ’جدید انٹرٹینمنٹ پروڈکشن ‘ کا نام دیا جا رہا ہے۔
پروڈیوسرز کی فہرست میں ثمینہ ہمایوں سعید، ثنا شاہنواز اور شہزاد نصیب شامل ہیں۔ فلم کی مرکزی کاسٹ میں حمزہ علی عباسی اور عائزہ خان شامل ہیں۔
![](https://wenews.pk/wp-content/uploads/2023/08/Final-3.jpg)
اب ڈراما سیریل ’ جانِ جہاں‘ کی مکمل کاسٹ بھی سامنے آ چکی ہے۔سوشل میڈیا پلیٹ فارم ’انسٹاگرام‘ پر کاسٹ کی مکمل تفصیلات شیئر کی گئیں ہیں۔ ثنا شاہنواز سمیت ڈرامے میں کام کرنے والے اداکاروں نے بھی اس بات کی تصدیق کی ہے کہ وہ آنے والی ڈراما سیریل ’جانِ جہاں‘ کا حصہ ہیں جو جلد ہی ٹیلی ویژن اسکرین پر آئے گا۔
![](https://wenews.pk/wp-content/uploads/2023/08/Final4.jpg)
ڈراما سیریل ’ جانِ جہاں‘میں حمزہ علی عباسی، عائزہ ملک، رضا تالش، ناوال سعید، نورالحسن، سویرا ندیم، زینب قیوم، رنضہ ملک اعوان، آصف رضا میر، مریم نفیس، حارث وحید اور ثاقب سمیر جیسے نامور ٹیلی ویژن سٹار اپنی اداکاری کے جوہر دکھائیں گے۔