خیبرپختونخوا کے علاقے باجوڑ میں ایف سی کی گاڑی کے قریب دھماکا ہوا ہے جس میں 5 سیکیورٹی اہلکاروں سمیت 6 افراد زخمی ہو گئے ہیں۔
میڈیا رپورٹس کے مطابق تحصیل ماموندکے لرخلوزو میں ایف سی کی گاڑی کے قریب دھماکا ہوا ہے جس کے نتیجے میں 5 اہلکار زخمی ہو گئے جبکہ ایک راہ گیر بھی زد میں آ کر زخمی ہو گیا۔
ابتدائی طور پر یہ بتایا جا رہا ہے کہ ایف سی کی گاڑی کے قریب ہونے والا دھماکا خود کش تھا۔
واقعہ کے بعد سیکیورٹی اداروں کے اہلکار موقع پر پہنچ گئے اور تحقیقات شروع کر دیں۔
ڈی ایس پی ستار خان نے دھماکے کی تصدیق کرتے ہوئے بتایا کہ ایف سی کی گاڑی کو جزوی نقصان پہنچا ہے۔
