اٹک جیل انتظامیہ نے سابق خاتون اول بشریٰ بی بی کو ان کے شوہر عمران خان سے ملاقات کی اجازت دے دی۔
جمعرات کے روز اٹک جیل میں قید چیئرمین تحریک انصاف عمران خان کی اہلیہ بشریٰ بی بی شوہرسے ملاقات کے اٹک جیل پہنچیں، بشریٰ بی بی 4 گاڑیوں کے قافلے کے ساتھ اٹک جیل پہنچیں، جیل انتظامیہ نے بشریٰ بی بی کو عمران خان سے ملنے کی اجازت دے دی۔
جیل انتظامیہ نے وکلا کو چیئرمین تحریک انصاف عمران خان سے ملاقات اجازت نہیں دی۔
عمران خان کے وکیل نعیم حیدر پنجوتھہ نے اپنے ایکس (سابقہ ٹوئٹر) اکاؤنٹ پر بتایا کہ بشریٰ بی بی کو تو عمران خان سے ملاقات کی اجازت مل گئی ہے لیکن لیگل ٹیم کو اگلے ہفتے کے لیے ملنے کا کہا جا رہا ہے۔
نعیم حیدر پنجوتھہ نے کہا کہ لیگل ٹیم قانونی طور پر عمران خان سے مل سکتی ہے کیوں کہ وکالت نامے اور کیسز کے حوالے سے ہدایت لینی ہے تو یہ ہمارا حق ہے.
بشریٰ بی بی کو اجازت مل گئی ہے لیکن لیگل ٹیم کو اگلے ہفتے کے لیے ملنے کا کہا جا رہا ہے .شاہد آخری پریس کانفرنس کی وجہ سے،لیکل ٹیم قانونی طور پر مل سکتی کیونکہ وکالت نامے اور کیسسز کے حوالے ہدایت لینی ہے تو یہ ہمارا حق ہے.
— Naeem Haider Panjutha (@NaeemPanjuthaa) August 10, 2023
