پاکستان کی آزادی کی 76 ویں سالگرہ کے موقع پر سیکیورٹی فورسز سے تعلق رکھنے والے اور وطن عزیز کے لیے جان قربان کرنے والے 11 شہدا سمیت 18 افراد کو ستارہ شجاعت سے نوازا جائے گا۔
وی نیوز کو موصول ہونے والی فہرست کے مطابق ملک کے لیے جان قربان کرنے والے 11 شہدا سمیت سیکیورٹی فورسز سے تعلق رکھنے والے 18 افراد کو ستارہ شجاعت کے قومی اعزاز سے نوازا جائے گا۔
ایوارڈ کمیٹی کی جانب سے جاری فہرست کے مطابق ستارہ شجاعت کا قومی اعزاز پانے والوں میں جوائنٹ ڈائریکٹر جنرل طارق محمود، سینئر منیجر ماجد سلیم ملک، آئی جی اختر حیات خان، ڈی آئی جی لیفٹیننٹ کمانڈر (ر) مقدس حیدر اور سپاہی اسرار محمد شامل ہیں۔
فہرست کے مطابق شہدا میں ستارہ شجاعت پانے والوں میں پولیس کانسٹیبل محمد یونس شہید، نظام اللہ شہید، پولیس کانسٹیبل راحت سلیم شہید، ہیڈ کانسٹیبل غلام عباس شہید، پولیس کانسٹیبل عبداللطیف شہید، لفٹ آپریٹر سعید احمد شہید، سپاہی محمد رمضان شہید، سپاہی شمس اللہ شہید، ایس آئی محمد سہراب شہید، مصور اسد اللہ خان شہید، ایس آئی ضیاء اللہ خان شہید اور سینٹری ورکر اجمل مسیح مرحوم شامل ہیں۔
