سابق وزیراعظم پاکستان شہباز شریف ذمہ داریوں سے سبکدوش ہونے کے بعد اسلام آباد سے لاہور پہنچ گئے ہیں۔
سابق وزیراعظم کا لاہور پہنچنے پر گورنر پنجاب محمد بلیغ الرحمان، نگراں وزیراعلیٰ محسن نقوی نے ایئرپورٹ پر استقبال کیا۔
اس موقع پر ایئر وائس مارشل طارق غازی اور دیگر شخصیات بھی ایئر پورٹ پر موجود تھیں۔
واضح رہے کہ انوارالحق کاکڑ نے نگراں وزیراعظم کی ذمہ داریاں سنبھال لی ہیں، آج صدر مملکت نے ان سے عہدے کا حلف لیا جس کے بعد وزیراعظم ہاؤس میں انہیں گارڈ آف آنر پیش کیا گیا، اس موقع پر سبکدوش ہونے والے وزیراعظم شہباز شریف کو بھی گارڈ آف آنر پیش کیا گیا۔
یہ بھی یاد رہے کہ شہباز شریف نے 11 اپریل 2022 کو بحیثیت وزیراعظم ذمہ داری سنبھالی تھی، اور اب 14 اگست 2023 کو سبکدوش ہو گئے۔
