سیکیورٹی فورسز نے منگل کو شمالی وزیرستان کے علاقے رزمک میں دہشت گردوں کی موجودگی کی اطلاع پر آپریشن کیا اور شدید فائرنگ کے تبادلے میں 2 دہشتگردوں کو ہلاک کر دیا ہے۔
مزید پڑھیں
آئی ایس پی آر کے مطابق مصدقہ اطلاع پر کیے گئے آپریشن کے دوران 14 اور 15 اگست کی درمیانی شب فورسز نے دہشتگردوں کے ٹھکانے کو نشانہ بنایا اور شدید فائرنگ کے تبادلے کے بعد 2 دہشتگردوں کو ہلاک کردیا۔
فورسز نے مارے گئے دہشت گردوں سے اسلحہ اور گولہ بارود بھی برآمد کیا ہے۔ دہشتگرد بھتہ خوری اور معصوم شہریوں کی ٹارگٹ کلنگ سمیت دہشتگردی کے دیگر جرائم میں بھی سرگرم تھے۔
آئی ایس پی آر کے مطابق علاقے میں پائے جانے والے دیگر دہشتگردوں کو ختم کرنے کے لیے علاقے میں آپریشن جاری ہے۔ علاقہ مکینوں نے آپریشن کو سراہا اور دہشتگردی کی لعنت کے خاتمے کے لیے سیکیورٹی فورسز کو بھرپور تعاون کا یقین دلایا ہے۔